इपीएस आन्दोलन: प्रहरीको गोली लागेर प्रदर्शनीकारीको मृत्यु

समाचार

गृहपृष्ठ
समाचार
इपीएस आन्दोलन: प्रहरीको गोली लागेर प्रदर्शनीकारीको मृत्यु

इपीएस आन्दोलन: प्रहरीको गोली लागेर प्रदर्शनीकारीको मृत्यु

शुक्रबार, पुस १३, २०८० बागेश्वरी पोस्ट

काठमाडौं । रोजगार अनुमति प्रणाली (इपीएस) परीक्षाको विषयलाई लिएर आन्दोलित युवाहरुको समूहको आन्दोलनले उग्र रुप लिएपछि प्रहरीले चलाएको गोली लागेर एक युवकको मृत्यु भएको छ ।

अर्का एक जना गम्भीर घाइते भएका छन् । गम्भीर घाइते अवस्थामा किस्ट अस्पतालमा लगिएका २३ वर्षीय सुजन राउतको मृत्यु भएको छ । अहिले प्रहरीबीच ढुङ्गा हानाहान भइरहेको छ । प्रहरीले दर्जनौं राउन्ड हवाइ र अश्रुग्यास प्रहार गरेको छ ।

प्रहरीको टोली स्थितिलाई नियन्त्रणमा लिने प्रयास गरिरहेको ललितपुर प्रहरीले जनाएको छ। आज बिहानदेखि आन्दोलनरत युवाहरुले भौतिक पुर्वाधार तथा यातायात मन्त्री प्रकाश ज्वालाको बा २ झ ५८६१ नम्बरको गाडीमा आगजनी गरेका छन् । आगजनीबाट मन्त्री ज्वाला चढ्ने उक्त गाडी क्षतिग्रत भएको प्रहरीले जनाएको छ ।

प्रहरीका अनुसार आन्दोलनकारीले मन्त्री ज्वाला क्वाटरबाट पार्टी बैठकमा जाँदै गर्दा बालकुमारी आकाशे पुल नजिक आगजनी गरेका हुन् । अहिले ठूलो संख्यामा सुरक्षाकर्मी परिचालन गरिएको छ । त्यहाँ भएर गुड्ने सवारीसाधन ठप्प बनेका छन् । प्रहरी र सुरक्षाकर्मीबीच घम्साघम्सी चलिरहेको छ । मन्त्रीको गाडी आगजनी गर्ने ५ जनालाई प्रहरीले पक्राउ गरेको छ ।

प्रकाशित मिति: शुक्रबार, पुस १३, २०८० १४:३५

प्रतिक्रिया दिनुहोस्