ईपीएस परिक्षार्थी आन्दोलन:अर्का गम्भीर घाइते युवकको पनि मृत्यु

समाचार

गृहपृष्ठ
समाचार
ईपीएस परिक्षार्थी आन्दोलन:अर्का गम्भीर घाइते युवकको पनि मृत्यु

ईपीएस परिक्षार्थी आन्दोलन:अर्का गम्भीर घाइते युवकको पनि मृत्यु

शुक्रबार, पुस १३, २०८० बागेश्वरी पोस्ट

काठमाडौं । ललितपुरको ग्वार्को र बालकुमारीको प्रदर्शनमा उत्रिएका अर्का एक युवकको मृत्यु भएको छ ।

रोजगार अनुमति प्रणाली (ईपीएस) परीक्षाको विषयलाई लिएर आन्दोलित युवाहरुको समूहको आन्दोलनले उग्र रुप लिएपछि प्रहरीसँगको झडपमा परेर गम्भीर घाइते वीरेन्द्र शाहको अस्पतालमा मृत्यु भएको हो ।

गम्भीर घाइते भई पाटन अस्पतालमा उपचाररत वीरेन्द्र शाहको पनि आज अपराह्नमा मृत्यु भएको प्रहरीले जानकारी दिएको छ । यसअघि प्रदर्शनमा उत्रिएका २३ वर्षीय सुजन राउतको मृत्यु भएको थियो । योसँगै मृत्यु हुनेको संख्या २ पुगेको छ ।

आज बिहानदेखि आन्दोलनरत युवाहरुले भौतिक पूर्वाधार तथा यातायात मन्त्री प्रकाश ज्वालाको बा २ झ ५८६१ नम्बरको गाडीमा आगजनी गरेका छन् । आगजनीबाट मन्त्री ज्वाला चढ्ने उक्त गाडी क्षतिग्रत भएको प्रहरीले जनाएको छ ।

प्रहरीका अनुसार आन्दोलनकारीले मन्त्री ज्वाला क्वाटरबाट पार्टी बैठकमा जाँदै गर्दा बालकुमारी आकाशे पुल नजिक आगजनी गरेका हुन् । मन्त्रीको गाडीमा आगजनी गरेपछि प्रहरीले बल प्रयोग गरेको हो ।

प्रकाशित मिति: शुक्रबार, पुस १३, २०८० १५:४५

प्रतिक्रिया दिनुहोस्