गायक योगेश वैद्यको निधन

मनोरञ्जन

शुक्रबार, माघ ५, २०८० बागेश्वरी पोस्ट

काठमाडौं । गायक तथा संगीतकार योगेश वैद्यको निधन भएको छ । वैद्यको ७७ वर्षको उमेरमा गएराति साढे १२ बजे निधन भएको हो ।

मधुमेह रोगबाट पीडित वैद्यको काठमाडौं भ्याली अस्पताल सुन्धारामा निधन भएको हो ।

उनका ‘सपना भुलाइ सारा’, ‘मेरो आँशुमा नहाँसे’, ‘नेपाल मेरो उपहार भो’ आदि गीतहरू लोकप्रिय छन् । उनका नेपाल भाषाका गीत पनि लोकप्रिय छन् ।

उनको आजै पशुपति आर्यघाटमा अन्त्येष्टि गर्ने पारिवारिक स्रोतले बताएको छ ।

सरकारी सेवामा रहेका उनी २०६१ सालमा सहसचिव पदबाट सेवा निवृत्त भएका थिए। उनका गीतहरु नेपालमा अति लोकप्रिय रहेका छन् ।

प्रकाशित मिति: शुक्रबार, माघ ५, २०८० ०९:४५

प्रतिक्रिया दिनुहोस्