जमुनाह नाकाबाट ब्राउनसुगरसहित एक युवक पक्राउ

सुरक्षा-अपराध

गृहपृष्ठ
सुरक्षा-अपराध
जमुनाह नाकाबाट ब्राउनसुगरसहित एक युवक पक्राउ

जमुनाह नाकाबाट ब्राउनसुगरसहित एक युवक पक्राउ

शनिबार, माघ १३, २०८० बागेश्वरी पोस्ट

नेपालगन्ज । नेपालगन्जको जमुनाह नाकाबाट लागूऔषध ब्राउनसुगरसहित एक जनालाई प्रहरीले पक्राउ गरेको छ ।

शुक्रबार साँझ भारतको रुपईडिहाबाट जमुनाह नाका हुँदै नेपालगन्ज आउँदै गरेका सुर्खेतका २१ वर्षीय राज वलीलाई नेपालगन्ज-१५ जमुनाह चेक पोस्टबाट इलाका प्रहरी जमुनाह र लागूऔषध ब्युरोको टोलीले २ ग्राम ब्राउनसुगरसहित पक्राउ गरेको जिल्ला प्रहरी बाँकेले जनाएको छ ।

शंका लागेर वलीलाई चेकजाँच गर्दा उनको जुत्ताबाट प्रहरीले २ ग्राम ब्राउनसुगर र २ थान मोबाइल बरामद गरेको हो ।

पक्राउ परेका वलीसंग थप अनुसन्धान भइरहेको जिल्ला प्रहरी कार्यालय बाँकेले जानकारी दिएको छ ।

प्रकाशित मिति: शनिबार, माघ १३, २०८० १४:२९

प्रतिक्रिया दिनुहोस्