सुदुरपश्चिममा पनि माओवादीका मन्त्री बर्खास्त

राजनीति

गृहपृष्ठ
राजनीति
सुदुरपश्चिममा पनि माओवादीका मन्त्री बर्खास्त

सुदुरपश्चिममा पनि माओवादीका मन्त्री बर्खास्त

मंगलबार, फागुन २२, २०८० बागेश्वरी पोस्ट

नेपालगन्ज । सुदूरपश्चिमका मुख्यमन्त्री कमलबहादुर शाहले माओवादी केन्द्रका दुई मन्त्री र एक राज्यमन्त्रीलाई बर्खास्त गरेका छन् ।

केन्द्रमा माओवादीले नेपाली कांग्रेससँग गठबन्धन तोडेर नेकपा एमाले, रास्वपा र जसपासँग नयाँ गठबन्धन बनाएपछि मुख्यमन्त्री शाहले आज माओवादीका उद्योग पयर्टन वन तथा वातावरण मन्त्री रमेश सिंह धामी, सामाजिक विकास मन्त्री झपट साउद र उद्योग राज्यमन्त्री गितादेवी माललाई बर्खास्त गरेका हुन् ।

उनीहरुलाई बर्खास्त गरेको मुख्यमन्त्री शाहले पत्रकार सम्मेलनमार्फत जानकारी दिएका छन् । आज बिहान गण्डकी प्रदेशका मुख्यमन्त्री सुरेन्द्रराज पाण्डेले पनि माओवादीबाट मन्त्री बनेका दुई जनालाई बर्खास्त गरिसकेका छन् ।

प्रकाशित मिति: मंगलबार, फागुन २२, २०८० १४:०१