नेपालगन्जमा ३८ लाख रुपैयाँसहित हुण्डी कारोबार गर्ने गिरोहका ३ जना पक्राउ

सुरक्षा-अपराध

गृहपृष्ठ
सुरक्षा-अपराध
नेपालगन्जमा ३८ लाख रुपैयाँसहित हुण्डी कारोबार गर्ने गिरोहका ३ जना पक्राउ

नेपालगन्जमा ३८ लाख रुपैयाँसहित हुण्डी कारोबार गर्ने गिरोहका ३ जना पक्राउ

सोमबार, फागुन २८, २०८० बागेश्वरी पोस्ट

नेपालगन्ज । नेपालगन्जबाट प्रहरीले हुण्डी कारोबार गिरोहका तीन जनालाई ३८ लाख रुपैयाँसहित पक्राउ गरेको छ ।

विशेष सूचना पाएर जिल्ला प्रहरी बाँकेबाट खटिएको टोलीले नेपालगन्जको धम्बोझी चोकको सांग्रीला बैंक नजिकबाट अवैध ३८ लाख रुपैयाँ लिएर आएका दुई जनालाई नियन्त्रणमा लिएको थियो।

आइतबार दिउँसो ३८ लाख रुपैयाँसहित राजापुर-१ बर्दियाका २० वर्षीय अनुप थारु र बर्दियाकै पुर्णिामा थारुलाई पक्राउ गरेपछि उनीहरुले उक्त रकम हुण्डी कारोबारको बताएपछि हुण्डी कारोबार गर्ने मुख्य व्यक्ति नेपालगन्ज-१६ जयसपुरका हसिब अजमत जसगढलाई पनि प्रहरीले पक्राउ गरेको हो ।

नेपालगन्जको न्यूरोडमा एउटा सटर भाडामा लिएर हुण्डी कारोबार गरिँदै आएको प्रहरीको प्रारम्भिक अनुसन्धानबाट खुल्न आएको प्रहरी श्रोतले जानकारी दिएको छ । प्रहरीले उनीहरुको साथबाट नगद रकम र बैंकका विभिन्न भौचरहरु समेत बरामद गरेको छ ।

पक्राउ परेकाहरुले हालसम्म १५ करोड रुपैयाँ बढीको हुण्डी कारोबार गरिसकेको बताइएको छ । उनीहरुले मनि चेञ्जरमार्फत हुण्डीको कारोबार गरेको पनि हुन सक्ने प्रहरीले अनुमान लगाएको छ । प्रहरीले पक्राउ परेकाहरुँग यस बारेमा थप अनुसन्धान गरिरहेको जनाएको छ ।

प्रहरीले बरामद गरेको ३८ लाख रुपैयाँलाई आबश्यक कारबाहीका लागि नेपालगन्जस्थित आन्तरिक कार्यालयमा भोलि बुझाउने तयारी गरेको छ । आज बिदा परेकाले आबश्यक कारबाहीका लागि भोलि बुझाउने बाँके प्रहरीले बताएको छ ।

प्रकाशित मिति: सोमबार, फागुन २८, २०८० ०७:५२

प्रतिक्रिया दिनुहोस्