अन्तर्राष्ट्रिय अवार्ड मनोनयनमा गीतकार लोकराज

मनोरञ्जन

गृहपृष्ठ
मनोरञ्जन
अन्तर्राष्ट्रिय अवार्ड मनोनयनमा गीतकार लोकराज

अन्तर्राष्ट्रिय अवार्ड मनोनयनमा गीतकार लोकराज

बुधबार, चैत २१, २०८० बागेश्वरी पोस्ट

नेपालगञ्ज । इन्टरनेशनल सिइगर सङग राइटर्स एशोशिएनले आयोजना गर्न लागेको छैटौं आइएसएसए अन्तराष्ट्रिय अवार्डमा नेपालबाट चर्चित गीतकार तथा सञ्चारकर्मी लोकराज अधिकारी मनोनयनमा परेका छन् । एट्लाण्टामा आगामी अगस्ट २४ मा सम्पन्न हुने उक्त अवार्डमा नेपालबाट लोकराज मात्र मनोनयनमा परेका हुन् ।

आयोजकले गत सोमबार सार्बजनिक गरेको ४६ विधाको अवार्डमा नेपालबाट अन्तर्राष्ट्रिय पुरुष गीतकार विधाबाट लोकराज मनोनयनमा परेको जनाएको छ । लोकराज मनोनयनमा परेको गीत 'यस्तो भा'छ मलाई त' मा संगीत अर्जुन पोखरेलको रहेको छ भने स्वर गायक प्रताप दास र गायिका शान्ता जिसीको रहेको छ । अधिकारीसंगै सोही विधामा विभिन्न देशका ६८ जना मनोनयनमा परेका छन् ।

गीतकार अधिकारीले आफू मनोनयनमा पर्दा अन्तर्राष्ट्रिय मञ्चमा सिंगो नेपाल र नेपाली गीत संगीत क्षेत्रको प्रतिनिधित्व भएको महसुश भएको बताए । अब भोटिङ्गबाट उत्कृष्ट २० को छनोट हुने आयोजकको भनाई छ । अप्रिल ३० सम्म भोटिङ्ग गर्न मिल्नेछ भने मे २ मा अन्तिम प्रतिष्पर्धीको घोषणा हुने भएकोले देश तथा विदेशबाट भोट गर्न अधिकारीले अपील गरेका छन् । एउटा डिभाइसबाट प्रति दिन एक भोट निःशुल्क गर्न सकिन्छ ।

प्रकाशित मिति: बुधबार, चैत २१, २०८० २१:०८

प्रतिक्रिया दिनुहोस्