इलाम र बझाङका कुनै पनि उम्मेदवारविरुद्ध परेन उजुरी

राजनीति

गृहपृष्ठ
राजनीति
इलाम र बझाङका कुनै पनि उम्मेदवारविरुद्ध परेन उजुरी

इलाम र बझाङका कुनै पनि उम्मेदवारविरुद्ध परेन उजुरी

आइतबार, चैत २५, २०८० बागेश्वरी पोस्ट

नेपालगन्ज । इलाम-२ र बझाङ -१(१) का कुनै पनि उम्मेदवारहरुविरुद्ध उजुरी नपरेको निर्वाचन आयोगले जनाएको छ । आगामी वैशाख १५ गते हुने उपनिर्वाचनका लागि इलाम र बझाङमा उम्मेदवारी दिएका ३२ जना उम्मेदवारहरुविरुद्ध उजुरी नपरेको आयोगले जानकारी दिएको छ ।

आयोगको कार्यतालिका अनुसार आज उम्मेदवारहरुविरुद्ध उजुरी दिने कार्यतालिका भए पनि कसैले पनि उम्मेदवारहरुविरुद्द उजुरी नदिएका हुन् ।

इलाम-२ मा १२ राजनीतिक दल र ८ स्वतन्त्र गरी २० जनाले उम्मेदवारी दिएका थिए । त्यस्तै बझाङमा १२ जनाले उम्मेदवारी दिएका छन् ।

इलाम-२ मा नेकपा एमालेका उपाध्यक्ष सुवासचन्द्र नेम्वाङ र बझाङमा कांग्रेस सांसद पृथ्वीबहादुर सिंहको निधन भएपछि उपनिर्वाचन हुन लागेको हो ।

प्रकाशित मिति: आइतबार, चैत २५, २०८० २०:३९

प्रतिक्रिया दिनुहोस्