जन्ती बोकेको बस दुर्घटना हुँदा ३ जनाको मृत्यु, ३५ बढी घाइते

समाचार

गृहपृष्ठ
समाचार
जन्ती बोकेको बस दुर्घटना हुँदा ३ जनाको मृत्यु, ३५ बढी घाइते

जन्ती बोकेको बस दुर्घटना हुँदा ३ जनाको मृत्यु, ३५ बढी घाइते

शुक्रबार, वैशाख ७, २०८१ बागेश्वरी पोस्ट

सिन्धुपाल्चोक । सिन्धुपाल्चोकमा जन्ती बोकेको बस दुर्घटना हुँदा तीन जनाको घटनास्थलमै मृत्यु भएको छ ।

जिल्लाको त्रिपूरा सुन्दरी गाउँपालिका-५ धारावतीमा जन्ती बोकेको बस दुर्घटना हुँदा तीन जनाको मृत्यु हुनुका साथै ३५ जना बढी घाइते भएको सिन्धुपाल्चोक प्रहरीले जनाएको छ ।

दोलखाबाट जन्ती लिएर सिन्धुपाल्चोकको पिस्कर जाँदै गरेको बा ४ ख ५६१६ नम्बरको बस आज सवा ७ बजे बिहान दुर्घटनामा परेको हो ।

दोलखाबाट सिन्धुपाल्चोकको पिस्कर जाँदै गरेको बा ४ ख ५६१६ नम्बरको बस आज बिहान सात बजेर २० मिनेटमा दुर्घटना भएको थियो । प्रहरीका अनुसार मृतकको पहिचान खुल्न सकेको छैन ।

बस दुर्घटनाका गम्भीर घाइतेहरुलाई खाडिचौर अस्पताल र अन्य सामान्य घाइतेहरुलाई उपचारका लागि बाह्रबिसे लागिएको सिन्धुपाल्चोक प्रहरीले जानकारी दिएको छ ।

प्रकाशित मिति: शुक्रबार, वैशाख ७, २०८१ ०९:०२

प्रतिक्रिया दिनुहोस्