जमुनाहबाट अवैध रुपले भारत लैजाँदै गरिएको ५६ हजार बढीको चुरोट बरामद, दुई जना नियन्त्रणमा

सुरक्षा-अपराध

गृहपृष्ठ
सुरक्षा-अपराध
जमुनाहबाट अवैध रुपले भारत लैजाँदै गरिएको ५६ हजार बढीको चुरोट बरामद, दुई जना नियन्त्रणमा

जमुनाहबाट अवैध रुपले भारत लैजाँदै गरिएको ५६ हजार बढीको चुरोट बरामद, दुई जना नियन्त्रणमा

आइतबार, वैशाख ९, २०८१ बागेश्वरी पोस्ट

नेपालगन्ज । नेपालगन्जको जमुनाह नाकाबाट भारत लैजाँदै गरेको अवस्थामा प्रहरीले खुकुरी चुरोट बरामद गरेको छ । प्रहरीले चुरोट ओसारपसारमा संलग्न दुई जनालाई पक्राउ समेत गरेको छ ।

इलाका प्रहरी कार्यालय जमुनाहको टोलीले नेपालगन्ज-१५ स्थित जमुनाह नाकाबाट आज ४५२ प्याकेट खुकुरी चुरोट बरामद गरेको हो । जमुनाह प्रहरीको चेकजाँचका क्रममा अवैधरुपले भारत लैजाँदै गरिएको ५६ हजार ४८ रुपैयाँको खुकुरी चुरोट बरामद गरेको जिल्ला प्रहरी बाँकेले जनाएको छ ।

बरामद गरिएको चुरोट र पक्राउ परेका दुई जनालाई आवश्यक कारबाहीका लागि नेपालगन्ज भन्सार कार्यालयमा बुझाइएको जिल्ला प्रहरी कार्यालय बाँकेले जानकारी दिएको छ ।

जमुनाह प्रहरीले बैशाख ५ गते पनि अवैधरुपले भारत लैजाँदै गरेको १ लाख ५८ हजार ७२० रुपैयाँको १२ सय ८० प्याकेट खुकुरी चुरोट बरामद गरेको थियो । उक्त चुरोट तस्करीमा संलग्न दुई जनालाई प्रहरीले पक्राउ गरेको थियो ।

प्रकाशित मिति: आइतबार, वैशाख ९, २०८१ १५:४३

प्रतिक्रिया दिनुहोस्