घरमा आगो लाग्दा श्रीमान्-श्रीमतीको मृत्यु

समाचार

गृहपृष्ठ
समाचार
घरमा आगो लाग्दा श्रीमान्-श्रीमतीको मृत्यु

घरमा आगो लाग्दा श्रीमान्-श्रीमतीको मृत्यु

बिहीबार, वैशाख २०, २०८१ बागेश्वरी पोस्ट

धादिङ । धादिङमा एक घरमा आगलागी हुँदा श्रीमान्-श्रीमतीको मृत्यु भएको छ । जिल्लाको थाक्रे गाउँपालिका-५ गैरीखर्कमा स्थानीय ७० वर्षीय तेजबहादुर लामाको घरमा गएराति ११ बजे आगलागी भएको धादिङ प्रहरीले जानकारी दिएको छ ।

आगलागी हुँदा घरभित्रै रहेका तेजबहादुरसहित उनकी श्रीमती ठूली तामाङको जलेर घटनास्थलमै मृत्यु भएको प्रहरीले जनाएको छ ।

आगलागी भएको खबर पाए लगत्तै परिचालन भएको प्रहरीको टोली पुग्दा घर जलिरहेको अवस्थामा थियो । तर, त्यहाँ दमकल जाने अवस्था नभए पनि आगो राति १२ बजे निभेर भित्र गएर हेर्दा प्रहरीले दुई जना जलेको शव फेला पारेको धादिङ प्रहरीले जानकारी दिएको छ ।

प्रहरीका अनुसार आगलागीबाट घरभित्र रहेका लत्ताकपडा, अन्नपात लगायत सबै जलेर नष्ट भएका छन् ।

प्रकाशित मिति: बिहीबार, वैशाख २०, २०८१ १०:४१

प्रतिक्रिया दिनुहोस्