फेरि अवधि नपुग्दै तानिए इलाम र सिराहाका एसपी

सुरक्षा-अपराध

गृहपृष्ठ
सुरक्षा-अपराध
फेरि अवधि नपुग्दै तानिए इलाम र सिराहाका एसपी

फेरि अवधि नपुग्दै तानिए इलाम र सिराहाका एसपी

सोमबार, वैशाख २४, २०८१ बागेश्वरी पोस्ट

काठमाडौं । फेरि अवधि नपुग्दै नेपाल प्रहरीका दुई जना जिल्ला कमाण्ड गरिरहेका एसपीहरुलाई तानिएको छ । प्रहरी प्रधान कार्यालय नक्सालले सिराहा र इलामका एसपीहरुलाई फिर्ता बोलाएको छ ।

नक्सालले सिराहाका एसपी सन्तोष आचार्य र इलामका एसपी वासुदेव खतिवडालाई परिवर्तन गर्दै प्रधान कार्यालय तानेको हो । गत फागुन १ गतेको सरुवामा सिराहा पठाइएका एसपी आचार्य २ महिना नपुग्दै फिर्ता बोलाइएका छन् । उनको स्थानमा एसपी रमेश पण्डितलाई पठाइएको छ ।

इलामका एसपी तानिएसँगै त्यहाँ एसपी प्रभु ढकालको काज सरुवा गरिएको छ । इलामका एसपी खतिवडा एक वर्ष नपुग्दै तानिएका हुन् ।

नक्सालले उनीहरुलाई फिर्ता बोलाउनुको कारण केही खुलाएको छैन । यसअघि पनि गृहमन्त्री रवि लामिछानेको निर्देशनमा गत २३ चैतमा ७ जिल्लाका एसपीलाई अवधि नपुग्दै फिर्ता बोलाउन निर्देशन दिएका थिए । केही हप्ताअघि मात्र सिन्धुलीका एसपी विनोद शर्मा २ महिनामै तानिएका थिए ।

अवधि नपुग्दै तानिएका एसपीहरुलाई नै तानिनुको कारण अझै थाहा हुन सकेको छैन ।

प्रकाशित मिति: सोमबार, वैशाख २४, २०८१ १३:४८

प्रतिक्रिया दिनुहोस्