पिप्रहवामा लागूऔषध कारोबारीमाथि प्रहरीले चलायो गोली

सुरक्षा-अपराध

गृहपृष्ठ
सुरक्षा-अपराध
पिप्रहवामा लागूऔषध कारोबारीमाथि प्रहरीले चलायो गोली

पिप्रहवामा लागूऔषध कारोबारीमाथि प्रहरीले चलायो गोली

बिहीबार, वैशाख २७, २०८१ बागेश्वरी पोस्ट

नेपालगन्ज । बाँकेमा प्रहरीले गोली चलाएको छ । लागूऔषध कारोबारीलाई पक्राउ गर्न प्रहरीले गोली चलाएको बाँके प्रहरीले जानकारी दिएको छ ।

बाँके प्रहरीका अनुसार ठूलो परिमाणमा लागूऔषध लिएर जाँदै गरेको लागूऔषध कारोबारीलाई रोक्न खोज्दा भागेपछि लागूऔषध नियन्त्रण ब्यूरोको टोलीले जानकी गाउँपालिका-६ स्थित पिप्रहवामा गोली चलाएको हो ।

गोप्य सूचना पाएर गएको प्रहरीको टोलीले नेपालगन्जबाट भे ६ प ६२०६ र भे ५ प ३१३५ नम्बरको स्कुटरमा कोहलपुरतर्फ जाँदै गरेको अवस्थामा रोकेर चेकजाँच गर्दा कोहलपुर-१२ चप्परगौडीका २६ वर्षीय सुशील परियारको साथबाट ११४.२६ ग्राम ब्राउन सुगर फेला परेपछि भाग्न खोज्दा प्रहरीले उनको खुट्टामा गोली चलाएको जिल्ला प्रहरी बाँकेले जानकारी दिएको छ ।

प्रहरीले कोहलपुर-१२ चप्परगौडीका २७ वर्षीय प्रमोद कार्कीलाई पनि पक्राउ गरेको छ ।

प्रहरीले उनीहरुको साथबाट ११४.२६ ग्राम ब्राउन सुगर र दुई वटा स्कुटर समेत बरामद गरेको जनाएको छ । घटनाबारे थप अनुसन्धान सुरु गरेको बाँके प्रहरीले जानकारी दिएको छ ।

प्रकाशित मिति: बिहीबार, वैशाख २७, २०८१ १२:०४

प्रतिक्रिया दिनुहोस्