नेपालगन्जमा 'फेसन शो' हुँदै

मनोरञ्जन

गृहपृष्ठ
मनोरञ्जन
नेपालगन्जमा 'फेसन शो' हुँदै

नेपालगन्जमा 'फेसन शो' हुँदै

सोमबार, फागुन १२, २०७६ बागेश्वरी पोस्ट

नेपालगन्ज ।नेपालगन्जमा फेशन शो कार्यक्रमको आयोजना हुनेभएको छ।फेसन र मोडलिङ क्षेत्रमा लाग्न चाहने युवायुवतीलाई लक्षित गर्दै ओएनएस ग्रुप नेपालले “नेपालगन्ज फेसन शो” आयोजना गर्न लागेको हो।

सोमबार नेपालगन्जमा पत्रकार सम्मेलन गरि आयोजक टिमले “नेपालगन्ज फेसन शो”को बारेमा औपचारिक जानकारी दिएको हो। फेसन र मोडलिङ क्षेत्रमा रुचि राख्ने एवम यसै क्षेत्रमा अगाडि बढ्न चाहनेहरुलाई केहि सहज होस भन्ने मुख्य उद्देश्यले फेसन शोको आयोजना गर्न लागेको ओएनएस ग्रुपका सिइओ कृष्टल केसीले जानकारी दिए।

आयोजकका अनुसार फेसन शो आगामी चैत्र २२ गते नेपालगन्जको सुनाखरी रेष्टुरेन्टमा हुनेछ। यसै क्षेत्रमा क्रियाशिल फोटोग्राफर , भिडियोग्राफर र उद्योगी व्यवसायीहरुको सहभागीता रहने उक्त कार्यक्रम पश्चात् नेपालगन्ज क्षेत्रमा पनि विभिन्न बिज्ञापन भिडियो तथा दृश्य सामाग्री निर्माण गर्दा स्थानीय मोडलहरु पनि अनुभवी र सक्षम छन भन्ने सन्देश पठाउने मुख्य लक्ष्य रहेको आयोजकले जनाएको छ। कार्यक्रममा १५ जना युवा र १५ जना युवती मोडलहरुलाई सहभागी गराइनेछ।

उनीहरूलाई आयोजक टिमले एक हप्ता नि:शुल्क प्रशिक्षण दिनेछ। प्रशिक्षणमा कोरियोग्राफी मिस नेपालगन्ज २०१७ दिपिका श्रेष्ठले गर्नेछिन। त्यस्तै, शो स्टपरको रुपमा काठमाडौंबाट चर्चित मोडल तथा अभिनेता प्रज्वल सुजल गिरी रहनेछन।

कार्यक्रममा गायक कमल खत्रीको पनि प्रस्तुति रहनेछ। कार्यक्रममा अनलाइन मिडिया पार्टनरको रुपमा नागरिक समाज डटकम र सोसल मिडिया पार्ट्नरमा फेसबुक ग्रुप नेपालगन्ज ग्यालरी रहेको छ।

प्रकाशित मिति: सोमबार, फागुन १२, २०७६ १७:४२

प्रतिक्रिया दिनुहोस्