४ दिनदेखि प्रहरी हिरासतमा गायक रवि ओड

समाचार

गृहपृष्ठ
समाचार
४ दिनदेखि प्रहरी हिरासतमा गायक रवि ओड

४ दिनदेखि प्रहरी हिरासतमा गायक रवि ओड

आइतबार, वैशाख ३०, २०८१ बागेश्वरी पोस्ट

सुदूरपश्चिम । नेपाल आइडल सिजन २ का विजेता गायक रवि ओडले कन्चनरपुर प्रहरीसमक्ष आत्मसमर्पण गरेका छन् ।

वैवाहिक बलात्कार मुद्दामा ओड बिहिवार इलाका प्रहरी कार्यालय झलारीमा आफैं उपस्थित भएर आत्मसमर्पण गरेको कन्चनपुर प्रहरीले जानकारी दिएको छ । उनी ४ दिनदेखि प्रहरी हिरासतमा छन् ।

प्रहरीमा आत्मसमर्पण गरेका नेपाल आइडल विजेता ओडलाई जिल्ला अदालत कन्चनपुरले ५ दिनको म्याद थप गरेर अनुसन्धान गर्न प्रहरीलाई आदेश दिएको छ ।

उनकी श्रीमतीले चैत २० गते वैवाहिक बलात्कार मुद्दामा उजुरी दिएपछि त्यसै दिन जिल्ला अदालतले ओडविरुद्ध पक्राउ पुर्जी जारी गरेको थियो । ओड देशबाहिर रहेका कारण नेपाल आए लगत्तै प्रहरी समक्ष आत्मसमर्पण गरेका हुन् ।

प्रकाशित मिति: आइतबार, वैशाख ३०, २०८१ ०९:१८

प्रतिक्रिया दिनुहोस्