भन्सारका कर्मचारी र घुमुवा प्रहरीको असुली आतंक बन्द गर्न वाणिज्य संघको चेतावनी

अर्थ

गृहपृष्ठ
अर्थ
भन्सारका कर्मचारी र घुमुवा प्रहरीको असुली आतंक बन्द गर्न वाणिज्य संघको चेतावनी

भन्सारका कर्मचारी र घुमुवा प्रहरीको असुली आतंक बन्द गर्न वाणिज्य संघको चेतावनी

बिहीबार, जेठ ३, २०८१ बागेश्वरी पोस्ट

बर्दिया । उद्योग वाणिज्य संघ बर्दियाले भन्सार कार्यालयका कर्मचारी र घुमुवा प्रहरीको पैसा असुल्ने आतंक तत्काल बन्द गर्न चेतावनी दिएको छ ।

बर्दियास्थित गुलरिया नगरभित्र रहेको राजापुर छोटी भन्सार भन्दा पारिका वडा नम्बर ८,९ र १० का स्थानीयले स्थानीयस्तरमै उत्पादन गरेको तरकारी लगायत खाद्य बस्तुहरु गुलरिया बजार ल्याउँदा भन्सारका कर्मचारी र घुमुवा प्रहरीको हस्तक्षेप बन्द गर्न उद्याेग वाणिज्य संघ बर्दियाले विज्ञप्ति जारी गर्दै चेतावनी दिएको छ ।

अब उपरान्त यस्ता कार्य गरिए कडारुपमा प्रस्तुत हुने भन्दै बर्दियाभरका सम्पूर्ण व्यापार व्यवसाय बन्द गर्ने चेतावनी दिइएको छ ।

के भन्छ बर्दिया उद्योग वाणिज्य संघ ?

• गुलरिया नगरपालिकाभित्र रहको राजापुर छोटी भन्सार भन्दा पारिका वडाहरु वडा नं. ८,९ र १० का वडा बासीले स्थानीयस्तरमा उत्पादित तरकारीजन्य खाद्य वस्तुहरु गुलरिया बजार ल्याउँदा भन्सार कार्यालयका कर्मचारी तथा घुमुवा प्रहरीले हस्तक्षेप गर्ने कार्य बन्द गरियोस् ।

• बजार क्षेत्रभित्र घुमुवा प्रहरीले सामान खानतलासीको नाममा अनावश्यक रुपमा व्यापारीहरुलाई धरपकड तथा दुःख दिने कार्य बन्द गरियोस् ।

• लौकाही र बलईगाँउ जस्ता सिमासंग जोडिएका भारतीय बजारबाट अवैध सामान ल्याए बापत प्रति साइकल र. १०० र रिक्साको रु.२०० लिई छोड्ने कार्य सुनिन आएकोले सो कार्य पूर्णरुपमा बन्द गरियोस् ।

• किसानले पाली आएको खसी बाखा गाई, गोरु रांगा, भैंसी सम्बन्धित वडा कार्यालयको सिफारिस लिई आउँदा समेत वीच वाटोमा नै पक्राउ गरी लिलाम प्रकृयाका लागि कार्यालय पठाउने कार्य बन्द गरियोस् ।

• नगरभित्र दिनहुँजसो बढ्‌दो चोरी निर्मूल गर्नको लागि रात्रीकालिन गस्ती प्रभावकारी बनाइयोस् ।

• मिति २०८१-०२-०२ गते गुलरिया नगरपालिका बजारमा रहेको राजापुर छोटी भन्सार कार्यालयले कानुनी प्रकृया पुरा गरी लिलाम गरेको सामान व्यापारीले काबुल गरेको रकमबाट प्रज्ञापन-पत्रसहित सामान लिई आउँदा सिभिल प्रहरीले पक्राउ तथा धरपकड गरी कानुन विपरित प्रज्ञापन-पत्र च्याती अपशब्द वाक्य प्रयोग गरी व्यापारीलाई दुःख दिने सिभिल प्रहरीहरुलाई कारबाही गरियोस् ।

• हाम्रो जायज मागलाई यथाशिघ्र सम्बोधन भएन भने बर्दिया जिल्लाभरका सम्पूर्ण व्यापार व्यवसाय अनिश्चितकालीनको लागि बन्द गरिनेछ ।

प्रकाशित मिति: बिहीबार, जेठ ३, २०८१ १५:५१