विद्यालय विमुख किशोरीलाई जीवनोपयोगी सीप सिकाउन तालिम

स्थानीय

गृहपृष्ठ
स्थानीय
विद्यालय विमुख किशोरीलाई जीवनोपयोगी सीप सिकाउन तालिम

विद्यालय विमुख किशोरीलाई जीवनोपयोगी सीप सिकाउन तालिम

बिहीबार, जेठ १७, २०८१ बागेश्वरी पोस्ट

नेपालगञ्ज । विद्यालय विमुख किशोरीलाई जीवनोपयोगी सीप सिकाउने उद्देश्यले तालिम दिइएको छ । नेपालगञ्ज उपमहानगरपालिका महिला बालबालिका तथा जेष्ठ नागरिक शाखाले चालू आर्थिक बर्षमा तीन वटा वडाका तीन वटा बस्तीमा पुगेर विद्यालय विमुख किशोरीलाई जीवनोपयोगी सीप सिकाउने उद्देश्यले तीन दिने तालिम दिएको हो ।

वडा नम्बर १७ परसपुर, वडा नम्बर २२ पुरैनी र वडा नम्बर ६ रामनगरमा ३५/३५ जना विद्यालय विमुख किशोरीलाई तालिम दिइएको महिला विकास अधिकृत पवित्रा पुरीले बताइन् । विद्यालयमा पाइला टेक्दै नटेकेका, सानै कक्षामा विद्यालय छाडेका, मदरसामा सामान्य शिक्षा लिएर माथिल्लो कक्षा नपढेका किशोरीलाई जीवनोपयोगी सीप अन्तर्गत १० वटा सीपहरु सिकाइएको पुरीले जानकारी दिइन् । किशोरीहरुलाई आत्म जागरण सीप, निर्णय क्षमता सीप, समस्या समाधान सीप, सिर्जनात्मक सोचाई सीप, समालोचनात्मक सोचाई सीप, प्रभावकारी संचार सीप, अन्तर व्यक्ति सम्बन्ध सीप, अनुभूति सीप, संवेग नियन्त्रण सीप र तनाव व्यवस्थापन सीप विकाससम्बन्धि तालिम दिइएको छ । टोलमै पुगेर विद्यालय विमुख किशोरीको समूह बनाई उनीहरुलाई तालिम दिइएको हो ।

May be an image of 7 people, people studying and text

महिला शाखा प्रमुख महिला विकास अधिकृत मञ्जु पाण्डे, महिला विकास अधिकृत पुरी, आशा शाही, केशव कोइराला, सिद्धराज पनेरु, विनिता रेग्मी, आशा नेपाली, दिपा साउद र निर्मला खनालले तालिममा सहजीकरण गरेका थिए । किशोरीहरुलाई आत्म जागरुक र सिर्जनशील बनाउँदै निर्णय क्षमता बढाउनुका साथै किशोरावस्थामा देखिने संवेगहरु व्यवस्थापन गर्न सिकाई सार्थक जीवन जिउन सक्षम बनाउने उद्देश्यले तालिम दिइएको महिला विकास अधिकृत पुरीले बताइन् ।

May be an image of 2 people, people studying and text that says 'テにク किशोरी किशोरीसमहलाई समुहलाई जीवनउपयोगी जीवन उपयोगी तालिम दिने リールー' May be an image of 4 people, people studying, people smiling and tree May be an image of 5 people, people smiling and tree