दाङमा मोटरसाइकल र अटो ठोक्किँदा दुई युवकको मृत्यु

सुरक्षा-अपराध

गृहपृष्ठ
सुरक्षा-अपराध
दाङमा मोटरसाइकल र अटो ठोक्किँदा दुई युवकको मृत्यु

दाङमा मोटरसाइकल र अटो ठोक्किँदा दुई युवकको मृत्यु

शुक्रबार, जेठ १८, २०८१ बागेश्वरी पोस्ट

तुलसीपुर । दाङको तुलसीपुरमा अटोरिक्सा र मोटरसाइकल एकापसमा ठोक्किँदा दुई जनाको मृत्यु भएको छ भने एक जना गम्भीर घाइते भएका छन् ।

इलाका प्रहरी कार्यालय तुलसीपुरकाका अनुसार मोटरसाइकल चालक बबई गाउँपालिका–४ निवासी ३० वर्षीय राजेश भण्डारी र मोटरसाइलकमा सवार सोही ठाउँका ३१ वर्षीय साकार केसीको मृत्यु भएको हो । उपचारका क्रममा उनीहरूको मृत्यु भएको हो ।

दाङ तुलसीपुर–२ कुमलगडीस्थित कुमलगडीबाट तुलसीपुरतर्फ आउँदै गरेको रा१ह ४०९६ नम्बरको अटो र विपरीत दिशाबाट जाँदै गरेको रा७प २५० नम्बर मोटरसाइकल एकापसमा ठोक्किएका हुन् ।

उक्त दुर्घटनामा परी अटोचालक दाङ शान्तिनगर–७ खैरेनीका ४३ वर्षीय रुद्रबहादुर थापा गम्भीर घाइते भएका छन् । उनको नेपालगञ्जमा उपचार भइरहेको छ ।

प्रकाशित मिति: शुक्रबार, जेठ १८, २०८१ ०८:२३

प्रतिक्रिया दिनुहोस्