खोलाको कलभर्टमा जिप खस्दा चालकको मृत्यु

समाचार

गृहपृष्ठ
समाचार
खोलाको कलभर्टमा जिप खस्दा चालकको मृत्यु

खोलाको कलभर्टमा जिप खस्दा चालकको मृत्यु

शुक्रबार, असार १४, २०८१ बागेश्वरी पोस्ट

काठमाडौं । काठमाडौंमा खोलाको कलभर्टमा जिप खस्दा एक जनाको मृत्यु भएको छ ।

आज बिहान करिब साढे २ बजेको समयमा बा.प्र. ०२७ च ०४९१ नम्बरको जिप नागार्जुन नगरपालिका-६ रामकोटस्थित छमछमे खोलाको कलभर्टमा खसेर डुब्दा एक जनाको मृत्यु भएको प्रहरीले जनाएको छ ।

तत्कालै दुर्घटना स्थल पुगेको प्रहरीले करिब ३ घण्टापछि जिप चालकलाई बिहान ५ बजे उद्दार गरेर कलभर्टबाट निकालेर उपचारका लागि मनमोहन मेमोरियल अस्पताल पठाएको भए पनि चिकित्सकले चालकलाई मृत घोषित गरेका थिए ।

प्रहरीका अनुसार मृतक चालक नागार्जुन-६ खरिबोटका ५० वर्षीय पुर्ण दर्लान हुन् । प्रहरीले डुबेको जिपलाई बिहान साढे ६ बजे मात्र बाहिर निकाल्न सफल भएको हो । प्रहरीले घटनाबारे थप अनुसन्धान गरिरहेको जनाएको छ ।

प्रकाशित मिति: शुक्रबार, असार १४, २०८१ ०९:०५

प्रतिक्रिया दिनुहोस्