जयन्दु बालसुधार गृहमा झडपपछि फरार ६३ जना नियन्त्रणमा, २ जना अझै सम्पर्कविहिन

समाचार

गृहपृष्ठ
समाचार
जयन्दु बालसुधार गृहमा झडपपछि फरार ६३ जना नियन्त्रणमा, २ जना अझै सम्पर्कविहिन

जयन्दु बालसुधार गृहमा झडपपछि फरार ६३ जना नियन्त्रणमा, २ जना अझै सम्पर्कविहिन

मंगलबार, असार २५, २०८१ बागेश्वरी पोस्ट

नेपालगन्ज । बाँकेको बालसुधार गृहमा झडप भएर फरार भएका ६५ जना मध्ये २ जना अझै सम्पर्कविहीन भएका छन् ।

जिल्लाको डुडुवा गाउँपालिकास्थित हिरमिनियामा रहेको जयन्दु बालसुधार गृह सोमबार साँझ भएको दुई पक्षीय झडपका क्रममा ६५ जना त्यहाँबाट भागेका थिए । उनीहरु मध्ये ६३ जनालाई गएराति र आज बिहानसम्ममा नेपालगन्ज र डुडुवाका विभिन्न स्थानबाट पक्राउ गरिएको जिल्ला प्रहरी बाँकेका डीएसपी नारायण डाँँगीले बताए ।

त्यस्तै फरार रहेका दुई जनाको खोजी कार्य जारी रहेको र उनीहरु जान सक्ने सम्भावित स्थानमा समेत सोधखोज हुनुका साथै सीमा नाका तथा भारतको सीमावर्ती बजारमा समेत खोजी भइरहेको डाँगीले जानकारी दिएका छन् ।

उनका अनुसार झडपको नेतृत्व गरेको आरोपमा ११ जनालाई मुद्धा चालाउने तयारी गरिएको छ ।

उक्त बालसुधार गृहमा १८ वर्ष भन्दा बढी उमेर समूहका युवाहरु धेरै रहेका कारण बारम्बार झडप हुँदै आएको छ । यसअघि पनि जयन्दु बालसुधार गृहमा दुई समूहबीच झडप भएको थियो ।

झडपको घटना बारेमा थप अनुसन्धान गरिरहेको जिल्ला प्रहरी बाँकेले जनाएको छ ।

प्रकाशित मिति: मंगलबार, असार २५, २०८१ १४:१९