त्रिशुलीमा बेपत्ता भएको बसको पर्दा र बच्चाको ट्रयाक भेटियो, तर भेटिएन दुबै बस र यात्रु

समाचार

गृहपृष्ठ
समाचार
त्रिशुलीमा बेपत्ता भएको बसको पर्दा र बच्चाको ट्रयाक भेटियो, तर भेटिएन दुबै बस र यात्रु

त्रिशुलीमा बेपत्ता भएको बसको पर्दा र बच्चाको ट्रयाक भेटियो, तर भेटिएन दुबै बस र यात्रु

शुक्रबार, असार २८, २०८१ बागेश्वरी पोस्ट

नेपालगञ्ज । पहिरोले बगाएर त्रिशुली नदीमा बेपत्ता भएका दुई वटा बस मध्ये एउटा बसको पर्दा फेला परेको छ । खोजतलास जुटेको सुरक्षा फौजको टोलीले बेपत्ता भएको बागमती प्रदेश १५३६ नम्बरको एन्जल डिलक्सको पर्दा फेला पारेको जिल्ला प्रहरी कार्यालय चितवनले जनाएको छ । एन्जल डिलक्समा यात्रा गर्ने यात्रुले उक्त पर्दा एन्जलको हो भनेपछि बस त्रिशुलीमा बेपत्ता निश्चित भएको छ ।

प्रहरीका अनुसार पर्दासहित एउटा बच्चाको ट्रयाकसुट पनि फेला परेको छ । आज बिहान साढे ३ बजे नारायणगढ मुग्लिन सडकखण्ड अन्तर्गत सिमलतालमा लेदोसहिको पहिरोमा बगेर वीरगंजबाट काठमाडौं जाँदै गरेको बास र काठमाडौंबाट गौरतर्फ जाँदै गरेको डिलक्स बस त्रिशुलीमा बेपत्ता भएका थिए ।

आज बिहानैदेखि नेपाली सेना, सशस्त्र प्रहरी र नेपाल प्रहरीको टोलीले दिनभर खोजी कार्य गरे पनि बस र यात्रु फेला पर्न सकेका छैनन् । बेपत्ता भएका बस मध्ये वीरगंजबाट आएको बसमा २४ जना र गणपति डिलक्समा २७ जना यात्रु सवार रहेको निवर्तमान गृहमन्त्री रवि लामिछानेले संसदमा जानकारी गराएका थिए । उक्त स्थानमा सशस्त्र प्रहरी बलका २८ गोताखोरसहित पाँच सय सुरक्षाकर्मी परिचालन भएका थिए ।

आज साँझसम्म यात्रु र बसको अवस्था अज्ञात रहेको र आजका लागि खोजी कार्य स्थगित भएको चितवन प्रहरीले जानकारी दिएको छ ।

प्रकाशित मिति: शुक्रबार, असार २८, २०८१ २०:४७