सौर्य एयर जहाज दुर्घटना हुँदा १८ जनाको मृत्यु

समाचार

गृहपृष्ठ
समाचार
सौर्य एयर जहाज दुर्घटना हुँदा १८ जनाको मृत्यु

सौर्य एयर जहाज दुर्घटना हुँदा १८ जनाको मृत्यु

बुधबार, साउन ९, २०८१ बागेश्वरी पोस्ट

काठमाडौं । त्रिभुवन विमानस्थलमा दुर्घटना भएको सौर्य एयरको ९ एन-एएमई (सीआरजे २००) कल साइनको जहाजमा १९ यात्रु सवार रहेको त्रिभुवन विमानस्थल कार्यालयले जनाएको छ ।

आज बिहान ११:११ बजे उक्त जहाज रनवे ०२ तर्फबाट उडेको र पूर्वतर्फ रनवे २० नजिकै दुर्घटनामा परेको विमानस्थलले जनाएको छ । जहाजले धावनमार्ग छाड्नासाथ भुइँमा बजारिएको देखिएको विमानस्थल कार्यालयले जनाएको छ ।

अहिलेसम्म जहाजमा सवार १९ मध्ये १८ जनाको मृत्यु भएको त्रिभुवन विमानस्थलले जनाएको छ । मृतकहरु १८ जना जहाजमा सवार रहेको बताइएको छ ।

जहाजका क्याप्टेन मनिष शाक्यको केएमसी अस्पतालमा उपचार भइरहेको प्रहरीले जानकारी दिएको छ । जहाज सौर्य एयरका कर्मचारीलाई लिएर पोखरा जाँदै थियो ।

प्रकाशित मिति: बुधबार, साउन ९, २०८१ १३:३१

प्रतिक्रिया दिनुहोस्