सिने रोयलको पहिलो बार्षिकोत्सब, मोबाइल एप सार्वजनिक

मनोरञ्जन

गृहपृष्ठ
मनोरञ्जन
सिने रोयलको पहिलो बार्षिकोत्सब, मोबाइल एप सार्वजनिक

सिने रोयलको पहिलो बार्षिकोत्सब, मोबाइल एप सार्वजनिक

शुक्रबार, साउन ११, २०८१ बागेश्वरी पोस्ट

नेपालगञ्ज । नेपाली सिने क्षेत्रका लागि प्रमुख गन्तव्यका रुपमा उदाएको नेपालगञ्जस्थित उच्च स्तरीय सिनेमा घर सिने रोयलले विभिन्न आकर्षक योजनासहित आज आफ्नो पहिलो बार्षिकोत्सब मनाएको छ ।

यस अवसरमा सिने रोयलले आफ्नो मोबाइल एप सार्वजनिक गरेको छ । टिकट खरिदमा दर्शकलाई सहज होस् भन्ने हेतुले एप तयार गरिएको हो । भविष्यमा खाद्य परिकारसहित अन्य सेवामा समेत छुट दिने गरी काम अघि बढाइएको सिने रोयलका सिओओ रितेश श्रेष्ठले जानकारी दिए । यस एपमार्फत अबको एक सातासम्म सिने रोयलमा कुनै पनि सिनेमाको टिकट खरिद गर्ने दर्शकलाई लक्की ड्र मार्फत यति एयरलाइन्सको पर्वतीय उडान जित्ने मौका समेत रहनेछ ।

May be an image of 3 people

अबको दुई दिनसम्म टिकट खरिद गर्ने दर्शकका लागि नेपालगञ्जस्थित वल्र्र्ड लिंकले बिभिन्न प्याकेजमा २५ प्रतिशतसम्म छुट दिने सिने रोयलका मार्केटिङ म्यानेजर सौगात विक्रम शाहले बताए । विभिन्न आकर्षक प्याकेजसहित पहिलो बार्षिकोत्सव मनाउन पाउँदा सिने रोयलका संस्थापक डा. विनोद थापाले खुशी व्यक्त गरे । डा. थापा पश्चिम नेपालमा चर्चित हाडजोर्नी बिशेषज्ञका रुपमा परिचित छन् । उनका सुपुत्र डा. राहुल थापाको परिकल्पनाको प्रतिफल हो, सिने रोयल । पश्चिम नेपालमा स्तरीय साउन्ड सिस्टम र प्रविधियुक्त सिनेमा घरको परिकल्पना डा. राहुलले गरेका थिए ।

May be an image of 13 people

गत बर्ष साउन ११ गते सिने रोयलले आफ्नो सेवा सुरु गरेको थियो । डा. राहुल उच्च शिक्षा अध्ययनका क्रममा अहिले नेपाल बाहिर छन् । तसर्थ बार्षिकोत्सवमा उनी अनुपस्थित थिए । सिने रोयलको सफल यात्राका लागि संस्थापक डा. थापाले सम्पूर्ण नेपालगञ्जबासीप्रति आभार प्रकट गरे । साथै उनले कर्मचारीको पनि मुक्तकण्ठले प्रशंसा गरे ।

सिने रोयलको एक बर्षे यात्रामा 'गदर २' सर्वाधिक आम्दानी गर्ने सिनेमा बनेको छ भने 'परदेशी २' ले नेपाली सिनेमाहरु मध्ये सर्वाधिक कमाई गर्ने सूचीमा आफ्नो नाम लेखाएको छ । त्यसैगरी 'महाजात्रा' ५१ दिनसम्म लगातार दर्शकको मन जित्न सफल सिनेमा बनेको छ ।

प्रकाशित मिति: शुक्रबार, साउन ११, २०८१ १८:४७