पहिरोमा पुरिएर एकै परिवारको ४ जनाको मृत्यु

समाचार

गृहपृष्ठ
समाचार
पहिरोमा पुरिएर एकै परिवारको ४ जनाको मृत्यु

पहिरोमा पुरिएर एकै परिवारको ४ जनाको मृत्यु

सोमबार, भदौ ३, २०८१ बागेश्वरी पोस्ट

नेपालगञ्ज । बझाङमा पहिरोमा पुरिएर एकै परिवारको ४ जनाको मृत्यु भएको छ । गएराति आएको पहिरोमा परेर बुंगल नगरपालिका १० को टुमेडाका एकै परिवारका ४ जना बेपत्ता थिए ।

पहिरोमा परेर बेपत्ता भएका चारै जनाको शव निकालिएको छ । पहिरोमा पुरिएर मृत भेटिनेमा ५५ वर्षीय काली धामी, २५ वर्षीय गोल्की धामी, ६ वर्षीया आकृति धामी र ३ वर्षीया लक्ष्मी धामी छन् ।

प्रहरीका अनुसार गएराति करीब साढे १ बजेको समयमा एक्कासी वीरबहादुर धामीको घरमाथिबाट पहिरो गएको थियो । पहिरो गएको थाहा पाएपछि ६२ धामीसहितका ६ जना भागेर ज्यान जोगाउन सफल भएका छन् । स्थानीय १६ वर्षीया कमला धामी, ३० वर्षीय उज्ज्वल धामी,१० वर्षीय रोशन धामी, २० वर्षीया शान्ति धामी र ७१ वर्षीय अम्बादत्त जोशी भागेर ज्यान जोगाएको प्रहरीले जनाएको छ ।

प्रकाशित मिति: सोमबार, भदौ ३, २०८१ १०:५०

प्रतिक्रिया दिनुहोस्