चोरीका मोटरसाइकलको पार्टपुर्जा खोलिरहेको अवस्थामा चार जना पक्राउ

सुरक्षा-अपराध

गृहपृष्ठ
सुरक्षा-अपराध
चोरीका मोटरसाइकलको पार्टपुर्जा खोलिरहेको अवस्थामा चार जना पक्राउ

चोरीका मोटरसाइकलको पार्टपुर्जा खोलिरहेको अवस्थामा चार जना पक्राउ

मंगलबार, भदौ ४, २०८१ बागेश्वरी पोस्ट

नेपालगन्ज । दाङ प्रहरीले चोरी भएका दुई वटा मोटरसाइकलका पार्टपूर्जा खोलिरहेको अवस्थामा ४ जना चोरलाई पक्राउ गरेको छ ।

प्रहरीले मोटरसाइकल चोरी गरेर पार्टपूर्जा खोल्दै गरेको अवस्थामा तुलसीपुर उपमहानगरपालिका-५ का बिष्णु चौधरी , तुलसीपुर-१८ हेमन्तपुरका देवदास देवकोटा, सोही स्थानकै श्रीजन रिजाल र शिशिर खड्कालाई पक्राउ गरेको जनाएको छ ।

दाङ प्रहरीका अनुसार उनीहरु तुलसीपुर-१५ पहरुवास्थित नर्सरीभित्र चोरी भएका रा ८ प ३३५८ नम्बरको २२० सिसीको पल्सर मोटरसाइकल र रा ६ प ७७४१ नम्बरको २२० सिसीको पल्सर मोटरसाइकलका पाटपूर्जा खोलिरहेको अवस्थामा पक्राउ परेका हुन् । दाङ प्रहरीले पक्राउ परेका मोटरसाइकल चोरहरुसँँग थप अनुसन्धान गरिरहेको पनि जनाएको छ ।

प्रकाशित मिति: मंगलबार, भदौ ४, २०८१ ११:४१

प्रतिक्रिया दिनुहोस्