गण्डकी स्टार सिजन-को उपाधि डाइमण्ड सेकेन्डरी स्कुललाई

मनोरञ्जन

गृहपृष्ठ
मनोरञ्जन
गण्डकी स्टार सिजन-को उपाधि डाइमण्ड सेकेन्डरी स्कुललाई

गण्डकी स्टार सिजन-को उपाधि डाइमण्ड सेकेन्डरी स्कुललाई

आइतबार, असोज ६, २०८१ बागेश्वरी पोस्ट

नेपालगन्ज । विगत लामो समयदेखि निरन्तररुपमा कार्यक्रम गरी ख्याती कमाउन सफल नन्द इन्टरटेन्मेन्ट हाउस पोखराको आयोजना र इन्टरनेशनल कलेज अफ अप्लाइड साइन्सको सहयोगमा गण्डकी स्टार सिजन-५ को ग्रान्ड फिनाले सम्पन्न भएको छ । उद्योग वाणिज्य संघ पोखरामा आयोजित कार्यक्रममा गण्डकी स्टार सिजन ५ को उपाधि डाइमण्ड सेकेन्डरी बोर्डिङ्ग स्कूल लेखनाथ तालचोकमा अध्ययनरत विद्यार्थी श्रेया श्रीस मगरले जितेकी छिन् । गायनतर्फ कुश गरुङ्गले उपाधि जिते ।

गायनमा फर्स्ट रनरअप झलक गुरुङ्ग, सेकेण्ड रनरअप इञ्जिनियर अनिल ढुङ्गाना, थर्ड रनरअप दीपक सुनार र फोर्थ रनरअप अमृता तामाङ्ग बने । त्यसैगरी नृत्य क्षेत्रमा फर्स्ट रनरअप इलिस्पा गौतम, सेकेण्ड रनरअप स्वस्तिका तामाङ्ग, थर्ड रनरअप स्विकृति गुरुङ्ग र फोर्थ रनरअप शकुन्तला अधिकारी भए । सबैलाई विभिन्न गीतसंगितमा अवसरसँगै उपहार पनि प्रदान गरिएको थियो ।

डान्सतर्फ निर्णायक भूमिकामा ईश्वर वल्लभ उप्रेति, पूजा ठाकुर, माया गुरुङ रहेका थिए । त्यसैगरी गायनतर्फ करण तामाङ्ग, दिल कुमारी खाँड, आरजु बिष्ट सल्यानी, सोना अमात्य लगायत निर्णायकको भूमिकामा थिए । उक्त कार्यक्रममा सिजनकै उत्कृष्ट कोरियोग्राफर सम्मान समृद्धि पाण्डेलाई गरिएको थियो भने उत्कृष्ट अभिभावक सम्मान लक्ष्मी शर्मालाई प्रदान गरिएको थियो ।

कार्यक्रम समीर थापाको अध्यक्षता एवम् एसएसपी ध्रुबराज राउतको प्रमुख आतिथ्यतामा शनिबार सम्पन्न भएको थियो । सो कार्यक्रममा समाजसेवी, बुद्धिजीवी, कलाकार, संचारकर्मी, सुरक्षाकर्मी, विद्यार्थी लगायत अभिभावकहरुको समेत बाक्लो उपस्थित रहेको आयोजक टिमले जानकारी दिएको छ ।

प्रकाशित मिति: आइतबार, असोज ६, २०८१ १५:१०

प्रतिक्रिया दिनुहोस्