९९ ग्राम ब्राउन सुगरसहित नेपालगन्जबाट दुई जना पक्राउ

सुरक्षा-अपराध

गृहपृष्ठ
सुरक्षा-अपराध
९९ ग्राम ब्राउन सुगरसहित नेपालगन्जबाट दुई जना पक्राउ

९९ ग्राम ब्राउन सुगरसहित नेपालगन्जबाट दुई जना पक्राउ

बुधबार, असोज १६, २०८१ बागेश्वरी पोस्ट

नेपालगन्ज । नेपालगन्जबाट ब्राउन सुगरसहित प्रहरीले दुई जनालाई पक्राउ गरेको छ ।

आज नेपालगन्ज-२० स्थित राँझाबाट लागूऔषध नियन्त्रण व्युरो कञ्चनपुर, लागूऔषध व्युरो नेपालगन्ज र जिल्ला प्रहरी बाँकेबाट खटिएको टोलीले ९९ ग्राम ब्राउन सुगरसहित एक भारतीय नागरिकसहित दुई जनालाई पक्राउ गरेको हो ।

विशेष सूचनाका आधारमा गएको टोलीले राँझास्थित लाल चन्द्र कामीको डेरामा खानतलासी गर्ने क्रममा भारतको रुपैडिया बस्ने राहुल शुक्ला र कामीलाई रंगेहात ब्राउन सुगरसहित पक्राउ गरेको जिल्ला प्रहरी कार्यालय बाँकेले जनाएको छ ।

प्रहरीले खानतलासी गर्ने क्रममा राहुलले लगाएको पाइन्टको दायाँ खल्तीबाट प्लाष्टिकको दुई पोकामा रहेको ९९ ग्राम ब्राउन सुगर र कामीको कोठाबाट लागूऔषध जोख्न प्रयोग गरिने डिजिटल तराजु समेत बरामद गरेको बाँके प्रहरीले जानकारी दिएको छ ।

पक्राउ परेका दुबै जनालाई हिरासतमा राखेर थप अनुसन्धान भइरहेको जिल्ला प्रहरी कार्यालय बाँकेले जनाएको छ ।

प्रकाशित मिति: बुधबार, असोज १६, २०८१ १५:४४

प्रतिक्रिया दिनुहोस्