समयमै उपचार नपाएर सुत्केरीको मृत्यु

समाचार

गृहपृष्ठ
समाचार
समयमै उपचार नपाएर सुत्केरीको मृत्यु

समयमै उपचार नपाएर सुत्केरीको मृत्यु

बिहीबार, असोज १७, २०८१ बागेश्वरी पोस्ट

नेपालगञ्ज । अछाममा एक सुत्केरीको मृत्यु भएको छ । ढकारी गाउँपालिका ६ की २९ वर्षीया सरितादेवी जैशीको उच्च रक्तश्रापका कारण मृत्यु भएको हो । जिल्ला प्रहरी कार्यालय अछामका अनुसार गएराति करिब १२ बजे उनलाई सुत्केरी ब्यथा लागेको थियो ।परिवारका सदस्यहरूले स्वास्थ्य चौकी ढुङ्गाचाल्नामा लग्ने क्रममा उनले बाटोमा नै बच्चा जन्माएकी थिइन् ।

बाटोमा सुत्केरी भएकी उनलाई उच्च रक्तश्रापको समस्या देखिएको थियो । त्यस लगत्तै उनलाई स्वास्थ्य चौकी ढुङ्गाचाल्ना पुर्‍याइएकोमा स्वास्थ्य कार्यालयमा आवश्यक उपकरण र दक्ष जनशक्ति नभएको भन्दै उनलाई थप उपचारको लागि जिल्ला अस्पताल मङ्गलसेन लैजान भनिएको थियो ।

सुत्केरी भएको करिब ७ घण्टासम्म पनि आवश्यक उपचार नपाउँदा जिल्ला अस्पतालमा उनको मृत्यु भएको जिल्ला प्रहरी कार्यालय अछामका प्रहरी प्रमुख प्रहरी नायव उपरीक्षक ईश्वरी प्रसाद भण्डारीले जानकारी दिए ।

प्रकाशित मिति: बिहीबार, असोज १७, २०८१ १६:१२