बाँकेमा ५ जना सहयाेगापेक्षी मानवहरुकाे उद्धार

समाचार

गृहपृष्ठ
समाचार
बाँकेमा ५ जना सहयाेगापेक्षी मानवहरुकाे उद्धार

बाँकेमा ५ जना सहयाेगापेक्षी मानवहरुकाे उद्धार

मंगलबार, कात्तिक १३, २०८१ बागेश्वरी पोस्ट

नेपालगन्ज । मेची-महाकाली राष्ट्रिय उद्धार यात्राकाे १६औं दिन आज बाँके जिल्लामा ५ जनाकाे उद्धार भएकाे छ ।

‘यो पटककाे चाडपर्वमा कसैले बस्न नपराेस् सडकपेटीमा’ भन्ने भावनासहित मानवसेवा आश्रम र आनी छोइङ डोल्मा फाउन्डेसनको संयुक्त आयोजनामा राष्ट्रिय उद्धार यात्रा सुरु भएकाे हाे ।

राष्ट्रिय उद्धार यात्राका क्रममा आज बाँके जिल्लाका विभिन्न स्थानीय पालिकाहरुबाट ५ जनाकाे उद्धार भएकाे छ । जसमध्ये नेपालगञ्ज उपमहानगरपालिका- १८ बाट २ जना, काेहलपुर नगरपालिका-११ बाट १ जना, जानकी गाउँपालिका-६ बाट १ जना र बैजनाथ गाउँपालिका-१ बाट १ जना सडक मानवहरुकाे उद्धार गरिएकाे हाे ।

असाेज २८ गतेबाट झापाकाे मेचीनगरदेखि सुरु भएकाे यात्रा आज बाँके आइपुग्दासम्म १३९ जना सडक मानवहरुकाे उद्धार गरिएकाे मानव सेवा आश्रमका संस्थापक अध्यक्ष रामजी अधिकारी बताए ।

मेची-महाकाली राष्ट्रिय उद्धार यात्रा अन्तर्गत उद्धार गरिएका १०६ जना पुरुष र ३३ जना महिलाकाे सङ्ख्या रहेकाे छ ।

बाँकेमा विभिन्न स्थानबाट उद्धार भएका ५ जनालाई मानव सेवा आश्रम सुर्खेतकाे वीरेन्द्रनगर सेवा केन्द्रमा गृह प्रवेश गराइएकाे छ । उद्धार टाेली आज नेपालगञ्ज र काेहलपुर क्षेत्र वरपरका सडक सेवा सम्पन्न गरी आजै बेलुका नै सुर्खेत पुगेको छ ।

प्रकाशित मिति: मंगलबार, कात्तिक १३, २०८१ १९:०३