दार्चुलामा जीप दुर्घटना: आठ जनाको मृत्यु

समाचार

गृहपृष्ठ
समाचार
दार्चुलामा जीप दुर्घटना: आठ जनाको मृत्यु

दार्चुलामा जीप दुर्घटना: आठ जनाको मृत्यु

शुक्रबार, कात्तिक ३०, २०८१ बागेश्वरी पोस्ट

नेपालगन्ज । दार्चुलामा जात्रा हेरेर फर्किएका दर्शनार्थी चढेको जीप दुर्घटना हुँदा मृत्यु हुनेको सङ्ख्या आठ पुगेको छ । जिल्ला प्रहरी कार्यालय दार्चुलाका प्रहरी नायब उपरीक्षक प्रकाश दाहालका अनुसार घटनास्थलमा छ र उपचारको क्रममा दुई जनाको मृत्यु भएको हो ।

मृत्यु भएका आठै जनाको पहिचान खुलेको छ । मृत्यु हुनेहरुमा शैल्यशिखर नगरपालिकाका दिलिप बिष्ट, मिना लेखक, विरेन्द्र रावल र शान्ति रावल, बैतडीको डिलाशैनी गाउँपालिका वडा नम्बर–५ का विरेन्द्र बोहरा, सुदिप बोहरा, भारतको उत्तर प्रदेश विजनौरका मोहमद सफीर र मोहमद बसिर रहेका छन् ।

घाइते पाँच जनाको गोकुलेश्वर अस्पतालमा उपचार भइरहेको छ । शैल्यशिखर नगरपालिका–६ को बकजेबलामा आज बिहान म १ ज ३३८ नम्बरको जीप दुर्घटना भएको हो ।

प्रहरी कार्यालय दार्चुलाका प्रहरी निरीक्षक एवम् सूचना अधिकारी छत्रबहादुर राउतका अनुसार स्थानीय मालिकार्जुन मन्दिरमा लागेको जात्रा हेरेर फर्किने क्रममा दर्शनार्थी चढेको जीप दुर्घटना भएको हो । दुर्घटनाको कारण खुल्न सकेको छैन ।

प्रकाशित मिति: शुक्रबार, कात्तिक ३०, २०८१ १२:०१

प्रतिक्रिया दिनुहोस्