स्टेप बाई स्टेप र सिर्जना माविलाई पोखरा चाइल्ड स्टार सिजन-३ को उपाधि

समाचार

गृहपृष्ठ
समाचार
स्टेप बाई स्टेप र सिर्जना माविलाई पोखरा चाइल्ड स्टार सिजन-३ को उपाधि

स्टेप बाई स्टेप र सिर्जना माविलाई पोखरा चाइल्ड स्टार सिजन-३ को उपाधि

सोमबार, मंसिर ३, २०८१ बागेश्वरी पोस्ट

पोखरा । स्टेप बाई स्टेप मावि र सिर्जना आवासीय माविलाई पोखरा चाइल्ड स्टार सिजन-३ को उपाधि प्रदान गरिएको छ । गैह्रपाटनस्थित पोखरा उद्योग वाणिज्य संघको सभाहलमा सम्पन्न कार्यक्रममा स्टेप बाई स्टेप माविका आश्रय भुषाल मिस्टर पोखरा चाइल्ड स्टार हुन सफल भएका छन् ।

ऋषभ रानाले इन्टेलेक्चुअल अवार्ड प्राप्त गरे भने फस्र्ट रनर अप हुन सफल भए । कृष्मा जिसी मिस पोखरा चाइल्ड स्टार हुन सफल भएकी छन् । मञ्जिता खत्री सेकेण्ड रनर अप भइन् । यस्तै आर्या बराल एक्सप्रेसन क्वीन र थर्ड रनर अप भइन् । दिप्तिका गुरुङले मल्टि ट्यालेन्ट अवार्ड प्राप्त गरिन् भने उनी फस्र्ट रनर अप भइन् । रबिना विश्वकर्माले वेष्ट क्याट वाक अवार्ड प्राप्त गरिन् । एरिका आचार्यले मिस पपुलर अवार्ड प्राप्त गरिन् । जोत्सना बरालले फोटोजेनिक अवार्ड, ऋतुजा बरालले स्वीट स्माइल अवार्ड र गौरवी विकले मिस पंचुवालिटीको अवार्ड हात पारिन् ।

नन्द इन्टरटेन्मेन्ट हाउसले आयोजना गरेको कार्यक्रमको मुख्य प्रायोजकमा इन्टरनेशनल कलेज अफ साइन्स (आइक्यास) रहेको थियो । कार्यक्रम चर्चित युवा उद्घोषक दीपेन्द्र सेन शाहीले सञ्चालन गरेका थिए । कार्यक्रममा समाजसेवी, बुद्धिजीवी, कलाकार, संचारकर्मी, सुरक्षाकर्मी, विद्यार्थी लगायत अभिभावकहरुको समेत बाक्लो उपस्थिति रहेको आयोजक टिमले जानकारी दिएको छ।

प्रकाशित मिति: सोमबार, मंसिर ३, २०८१ १२:२४

प्रतिक्रिया दिनुहोस्