नेपाल टेलिकमले भन्यो- उपहारका नाममा ठगिनबाट बच्नुहोस्

समाचार

गृहपृष्ठ
समाचार
नेपाल टेलिकमले भन्यो- उपहारका नाममा ठगिनबाट बच्नुहोस्

नेपाल टेलिकमले भन्यो- उपहारका नाममा ठगिनबाट बच्नुहोस्

बिहीबार, पुस ४, २०८१ बागेश्वरी पोस्ट

काठमाडौं । नेपाल टेलिकमले सम्बन्धित सबैलाई उपहारका नाममा ठगिनबाट सचेत गराएको छ ।

हाल विभिन्न सामाजिक सञ्जालमार्फत आउँदै गरेको क्रिसमस र अंग्रेजी नयाँ वर्षको अवसर पारेर ५ हजार रुपैयाँसम्मको नगद तथा उपहार पाउने गलत सूचना प्रवाह भइरहेको हुँदा सबैलाई सचेत हुन नेपाल टेलिकमले सूचना जारी गरेर आग्रह गरेको हो ।

केही समूहले नेपाल टेलिकमको लोगो प्रयोग गरी गलत सूचना प्रवाह गरिरहेको हुँदा त्यस्तो गलत सूचनाका पछि नलाग्न र ठगिनबाट जोगिन सबै सेवाग्राहीलाई सचेत गराएको हो ।

नेपाल टेलिकमले त्यस्तो कुनै अफर नल्याएको भन्दै टेलिकमको वेवसाइटमा जारी गरिएको सूचनालाई मात्र आधार मान्न भन्दै सचेत गराएको हो ।

टेलिकमको सूचना-

हाल 'नेपाल टेलिकमले आउँदै गरेको क्रिसमस तथा अंग्रेजी नयाँ वर्षको अवसर पारेर रू. ५ हजार सम्मको नगद तथा उपहारको व्यवस्था गरेको' भनेर नेपाल टेलिकमको आधिकारिक लोगो समेत प्रयोग गरी विभिन्न फेसबुक ग्रुप र म्यासेन्जर लगायतका सामाजिक सञ्जालमार्फत गलत सूचना प्रवाह भैरहेको पाइएकोले यसप्रति सचेत रहन सबैमा हार्दिक अनुरोध छ ।

कम्पनीको आधिकारिक ब्लु टिक सहितको फेसबुक र एक्स (X) लगायतका सामाजिक सञ्जालमा भएका सूचना तथा कम्पनीको आधिकारिक वेबसाइटलाई मात्र आधार मानेर कम्पनीका सेवा वारेमा अद्यावधिक हुन अनुरोध छ ।

प्रकाशित मिति: बिहीबार, पुस ४, २०८१ ०८:४३

प्रतिक्रिया दिनुहोस्