पत्रकार महासंघमा नवनिर्वाचितलाई कोहलपुर उद्योग बाणिज्य संघको बधाई

अर्थ

गृहपृष्ठ
अर्थ
पत्रकार महासंघमा नवनिर्वाचितलाई कोहलपुर उद्योग बाणिज्य संघको बधाई

पत्रकार महासंघमा नवनिर्वाचितलाई कोहलपुर उद्योग बाणिज्य संघको बधाई

आइतबार, पुस ७, २०८१ बागेश्वरी पोस्ट

नेपालगञ्ज । कोहलपुर उद्योग बाणिज्य संघले नेपाल पत्रकार महासंघका नवनिर्वाचित पदाधिकारीहरुलाई बधाई ज्ञापन गर्दै सम्मान गरेको छ । संघको कोहलपुरस्थित कार्यालयमा पत्रकार महासंघ लुम्बिनी प्रदेश पदाधिकारी एवम् सदस्य, बाँके शाखा पदाधिकारी एवम् सदस्य तथा पार्षदहरुलाई बधाई ज्ञापन गर्दै सफल कार्यकालको शुभकामना ब्यक्त गरिएको हो । संघका अध्यक्ष प्रदिप भट्टराईको अध्यक्षतामा भएको कार्यक्रममा बरिष्ठ उपाध्यक्ष चण्डीप्रसाद गैरेले स्वागत मन्तब्य ब्यक्त गरेका थिए ।

लुम्बिनी प्रदेशका नवनिर्वाचित अध्यक्ष शुक्रऋषि चौलागाई, सचिव सरला सुवेदी, सदस्य निर्मल आचार्य, बाँके शाखा अध्यक्ष नवीन गिरी, उपाध्यक्षहरु रेजिना मल्ल, तिलक गाउँले र करुणा शाह, सचिव कृष्ण वली, सहसचिवद्वय रविन्द्रसिंह ठकुरी र भगतराम थारु, सदस्यहरु धना विष्ट केसी, सजनकुमार आरसी, पहलबहादुर केसी तथा प्रदेश परिषद सदस्य संगिन शर्मा र पवित्रा परियारलाई संघका अध्यक्ष भट्टराईसहित कार्यसमिति पदाधिकारी एवम् सदस्यहरुले अबिर र खादा लगाएर सम्मान गरेका थिए ।

कार्यक्रममा बोल्दै लुम्बिनी प्रदेश अध्यक्ष चौलागाई र जिल्ला अध्यक्ष गिरीले पत्रकार महासंघसंग सहकाय गर्नका लागि संघलाई आग्रह गरेका थिए । संघका अध्यक्ष भट्टराईले नवनिर्वाचित सबैलाई सफल कार्यकालको शुभकामना दिँदै सहकार्य गरेर जाने प्रतिबद्धता ब्यक्त गरे । दुबै छाता संगठन भएकाले एक अर्कासंग सहकार्य गरेर जानुपर्नेमा सबैको जोड छ । कार्यक्रम सञ्चालन महासचिव दिपक भण्डारीले गरेका थिए ।

प्रकाशित मिति: आइतबार, पुस ७, २०८१ २१:२९

प्रतिक्रिया दिनुहोस्