स्कुलबाट फर्किँदै गरेकी १४ वर्षीया किशोरीमाथि बलात्कार

समाचार

गृहपृष्ठ
समाचार
स्कुलबाट फर्किँदै गरेकी १४ वर्षीया किशोरीमाथि बलात्कार

स्कुलबाट फर्किँदै गरेकी १४ वर्षीया किशोरीमाथि बलात्कार

आइतबार, माघ २७, २०८१ बागेश्वरी पोस्ट

नेपालगञ्ज । कैलालीमा स्कुलबाट फर्किँदै गरेकी कक्षा ७ मा पढ्ने १४ वर्षीया किशोरीमाथि बलात्कार भएको छ । बाजुराबाट अध्ययन गर्नका लागि धनगढी आएकी ती किशोरीमाथि बिहिवार साँझ स्कुलबाट घर फर्किँदै गर्दा १८ वर्षीय युवकले बलात्कार गरेको कैलाली प्रहरीले जानकारी दिएको छ ।

प्रहरीलाई ती किशोरीको घटनाको बारेमा शनिबार मात्र बताएपछि प्रहरीले तत्कालै जाहेरी दर्ता गरेर थप अनुसन्धान सुरु गरेको जनाएको छ । बिहिवार साँझ घर फर्किने क्रममा ती युवकले चक्कु देखाएर आफूसँग नगए ज्यान मारिदिने धम्की दिएपछि किशोरी उनको घर गएकी थिइन् ।

प्रहरीका अनुसार ती युवकले घरमै किशोरीलाई बलात्कार गरेर फरार भएका छन् । कैलाली प्रहरीले ती युवकको खोजी कार्य जारी राखेको जानकारी दिएको छ ।

प्रकाशित मिति: आइतबार, माघ २७, २०८१ १२:१७

प्रतिक्रिया दिनुहोस्