राप्तीसोनारी डान्सिङ स्टारको उपाधि रोमनजन गहतराजलाई

मनोरञ्जन

गृहपृष्ठ
मनोरञ्जन
राप्तीसोनारी डान्सिङ स्टारको उपाधि रोमनजन गहतराजलाई

राप्तीसोनारी डान्सिङ स्टारको उपाधि रोमनजन गहतराजलाई

शनिबार, असार ७, २०८२ बागेश्वरी पोस्ट

नेपालगञ्ज । बाँकेको राप्तीसोनारी गाउँपालिका अगैयामा 'राप्तीसोनारी डान्सिङ स्टार २०२५' को ग्राण्ड फिनाले सम्पन्न भएको छ । डिटु कला केन्द्रको आयोजनामा र राप्तीसोनारी गाउँपालिका अगैयाको सहयोगमा गरिएको कार्यक्रम ‘कला र कलाकारको सम्मान, समृद्ध राष्ट्रको पहिचान’ भन्ने मूल नारासहित सम्पन्न गरिएको हो ।

फिनालेको प्रमुख अतिथि लुम्बिनी प्रदेश सभा सदस्य कृष्णा केसी नमुना थिइन् भने अतिथि कलाकारको रूपमा गायक शिव जिएम, डान्सर भावना वली, सृजना शाही र श्वेता नेपालीको उपस्थिति थियो । कार्यक्रम व्यवस्थापन भरत विक, भीम पुन र विश्व क्षेत्रीले गरेका थिए ।

प्रतियोगितामा राप्तीसोनारी–८ शमशेरगञ्जका रोमनजन गहतराजले उत्कृष्ट प्रदर्शन गर्दै प्रथम स्थान हासिल गर्न सफल भएका छन् । त्यस्तै दोस्रो स्थानमा सोही स्थानकी सोनिया थापा र तेस्रो स्थानमा राप्तीसोनारी–४ बैजापुरका दुर्गा विक विजयी भएका छन् । चौथो र पाँचौं स्थान क्रमशः निशा चौधरी र रितिका बुढाथोकीले प्राप्त गरे ।

प्रथम, दोश्रो र तृतीयले क्रमशः ५० हजार, ३० हजार र २० हजार नगद हात पार्न सफल भएका थिए । लुम्बिनी प्रदेश सभा सदस्य केसीले नगदसहित खादा लगाएर पुरस्कृत गरेकी थिइन् । जेठ ७ गतेदेखि सुरु भएको डान्सिङ आइडलमा सुरुवाती चरणमा १५० जना प्रतिस्पर्धी सहभागी भएका थिए । विभिन्न राउण्ड पार गर्दै अन्तिममा २० जना प्रतिभाशाली प्रतियोगी फाइनल चरणमा पुगेका थिए ।

कार्यक्रम संयोजक तथा उद्घोषक दीपक वर्माले समग्र कार्यक्रम संचालन गरे भने निर्णायकको भूमिकामा नवराज सुवेदी र अञ्जु खड्का रहेका थिए । सुवेदी डान्स निर्देशक एवं कोरियोग्राफर समेत हुन् । उनले प्रतिस्पर्धीहरू स्वस्तिका चौधरी, सुधा ओली, ईश्वरी पुन मगर र श्रृतिका बुढाथोकीलाई निःशुल्क म्युजिक भिडियोमा प्रमुख भूमिकामा खेलाउने घोषणा गरेर कलाकारहरूलाई थप प्रेरित गरेका छन् ।

May be an image of 5 people and text that says 'कला र कलाकारको सम्मान, समन्नत राष्ट्रको पहिचान' SS N（家問 S 'Inte ျ် ATR GRAI mPh Ph RTI aph'