नेपालगञ्जमा पहिलोपटक 'एक्वापलुजा वाटर फेस्ट कार्निभल' हुने

मनोरञ्जन

गृहपृष्ठ
मनोरञ्जन
नेपालगञ्जमा पहिलोपटक 'एक्वापलुजा वाटर फेस्ट कार्निभल' हुने

नेपालगञ्जमा पहिलोपटक 'एक्वापलुजा वाटर फेस्ट कार्निभल' हुने

सोमबार, असार ९, २०८२ बागेश्वरी पोस्ट

नेपालगञ्ज । नेपालगञ्जमा पहिलोपटक एक्वापलुजा वाटर फेस्ट कार्निभल हुने भएको छ । असार २१ गते मेरो प्लानेटमा एक्वापलुजा वाटर फेस्ट कार्निभल हुने भएको हो । नेपालगञ्जस्थित साइना क्याफेमा आज पत्रकार सम्मेलन गरेर आयोजक आश्री इभेन्टले एक्वापलुजा वाटर फेस्ट कार्निभलबारे जानकारी गराएको हो । आश्री इभेन्टकी प्रिसिला घिसिङले यो इभन्टलाई नेपालगञ्जको स्ट्याण्डर्ड इभेन्टको रुपमा स्थापित गर्न खोजेको बताइन् । उनले इभेन्टमा ५०० देखि ६०० जना दर्शकको उपस्थिति हुने अपेक्षा राखेको समेत बताइन् । उनले आश्रीले गर्न लागेको यो अहिलेसम्मकै सबैभन्दा ठूलो इभेन्ट भएको उल्लेख गरिन् ।

पत्रकार सम्मेलनमा इभेन्ट आयोजक सदस्य सिद्धान्त सिंहले इभेन्टका मुख्य आकर्षणका बारेमा जानकारी गराएका थिए । पौडीपोखरीमा पौडी खेल्दै आनन्द लिन सकिने, स्वादिलो खानाहरुको स्टल, डिजे सोनम र गायक विश्वजित शाहीको प्रस्तुति, ब्यवसाय प्रबद्र्धन स्टल, फेस पेन्ट, रेन डान्स लगायतका गतिविधि आकर्षणको रुपमा रहेको सिंहले जानकारी दिए । प्रौढको लागि टिकट मूल्य रु.९९९ र ७ बर्ष भन्दा माथि र १६ बर्षमुनिका बालबालिकाका लागि टिकटको मूल्य रु.४९९ रहेको उनले बताए । ७ बर्षमुनिका लागि पनि निःशुल्क प्रवेशको व्यवस्था मिलाइने सिंहको भनाई छ ।

अर्का आयोजक सदस्य हृदयन्द्रराज श्रेष्ठले इभेन्टको स्पोन्सर र पार्टनरबारे जानकारी गराएका थिए । इभेन्टको मुख्य प्रायोजकमा बाह्रसिंगे र सहप्रायोजकमा बिवाइडी रहेको छ । इभेन्टबारे बोल्दै रोजी सिंहले युवाहरुले केही नयाँ गर्न खोजेकाले सबैले साथ दिनुपर्ने बताइन् । इभेन्ट मध्यान्ह १२ बजेदेखि साँझ ८ बजेसम्म चल्नेछ ।

प्रकाशित मिति: सोमबार, असार ९, २०८२ २०:१८

प्रतिक्रिया दिनुहोस्