अत्यावश्यक कामबाहेकको अवस्थामा घर बाहिर ननिस्कन सरकारको आह्वान

समाचार

गृहपृष्ठ
समाचार
अत्यावश्यक कामबाहेकको अवस्थामा घर बाहिर ननिस्कन सरकारको आह्वान

अत्यावश्यक कामबाहेकको अवस्थामा घर बाहिर ननिस्कन सरकारको आह्वान

बिहीबार, चैत ६, २०७६ बागेश्वरी पोस्ट

काठमाडौं । अत्यावश्यक कामबाहेकको अवस्थामा घर बाहिर ननिस्कन सरकारले आह्वान गरेको छ ।

कोरोना(कोभिड १९) रोकथाम तथा नियन्त्रण उच्चस्तरीय समन्वय समितिको बैठकले अत्यावश्यक कामबाहेक बाहिर ननिस्कन र हिँडडुल नगर्न सर्वसाधारणलाई आह्वान गरेको हो ।

त्यस्तै पार्टी प्यालेस, मठ मन्दिर, गुम्बा, मस्जिद, चर्चजस्ता धार्मिक र सार्वजनिक स्थलमा २५ जना भन्दा बढी भेला हुन बन्द गर्ने निर्णय पनि गरेको छ ।सार्वजनिक यातायातमा पनि सिट क्षमता भन्दा बढी यात्रु नबोक्न आग्रह गरेको छ । त्यस्तै भीडभाड गरी यात्रा नगर्न सर्वसाधारणलाई पनि आग्रह गरेको

छ । समितिको बैठकले मानिसहरुको जमघट हुने सार्वजनिम महत्वको स्थलहरुमा स्थानीय तहहरुले दैनिक रुपमा सरसफाइ र डिसइन्फेक्सन गर्नुपर्ने पनि निर्णय गरेको छ । त्यस्तै चैत मसान्तसम्म बिधालय र कलेज समेत बन्द गर्न सरकारले निर्देशन दिएको छ भने आज देखि सुरु हुने एसईई परिक्षा समेत स्थगित गरेको छ।

प्रकाशित मिति: बिहीबार, चैत ६, २०७६ ०७:५८

प्रतिक्रिया दिनुहोस्