सिने रोयलको दुई बर्षः ५ लाख दर्शकले फिल्म हेरे

मनोरञ्जन

गृहपृष्ठ
मनोरञ्जन
सिने रोयलको दुई बर्षः ५ लाख दर्शकले फिल्म हेरे

सिने रोयलको दुई बर्षः ५ लाख दर्शकले फिल्म हेरे

आइतबार, साउन ११, २०८२ बागेश्वरी पोस्ट

नेपालगञ्ज । नेपालगञ्जस्थित सुविधा सम्पन्न सिने रोयलमा दुई बर्षको अवधिमा ५ लाख दर्शकले फिल्म हेरेका छन् । आफ्नो दोस्रो बार्षिक उत्सबमा सिने रोयलले २०८२ देखि २०८२ सम्मको अवधिमा ५ लाख २ हजार ५ सय ७६ जनाले फिल्म हेरेको जानकारी दिएको छ । यस अवधिमा कुल २०६ नेपाली फिल्म र २४७ हिन्दी फिल्म प्रदर्शनमा आएको तथ्यांक छ ।

बार्षिक उत्सब समारोहमा सिने रोयलका प्रबन्ध निर्देशक डा. राहुल थापाले घरेलु फिल्म उद्योगप्रतिको भरोसा बलियो बन्दै लयमा फर्किरहेको स्पष्ट संकेत दिएको बताए । उनले दर्शकको अपार माया र विश्वासले हौसला प्रदान गरेको बताउँदै अब नेपालगञ्जबाहिर काठमाडौं लगायतका स्थानमा सिने रोयल विस्तार गर्ने योजना समेत सुनाए ।

कार्यक्रममा सिने रोयलका कार्यकारी प्रमुख रितेश कुमार श्रेष्ठले यस अवधिमा नेपाली फिल्म पूर्ण बहादुरको सारंगी र हिन्दी फिल्म पुष्पा २ सबैभन्दा बढी हेरिएको तथा सर्वाधिक आम्दानी गर्न सफल चलचित्र बनेको बताए । उनले सिने रोयलमा करीब ६० जनाले रोजगारी पाएको जानकारी समेत दिए ।

कार्यक्रममा नेपाल पत्रकार महासंघ बाँकेका अध्यक्ष नवीन गिरी, चलचित्र पत्रकार संघ बाँकेका अध्यक्ष रामचन्द्र पौडेलले पनि शुभकामना दिएका थिए । केक काटेर मनाइएको बार्षिकोत्सब समारोहमा सिने रोयल सञ्चालक सदस्य डा. कल्पना थापा लगायतको उपस्थिति थियो ।

May be an image of 6 people and text that says 'CINRROYALE 2 福員 ND ANNIVERSARY'