सुदूरपश्चिम प्रदेशका दुई मन्त्री सवार जिप ठोक्किएर दुर्घटना

समाचार

गृहपृष्ठ
समाचार
सुदूरपश्चिम प्रदेशका दुई मन्त्री सवार जिप ठोक्किएर दुर्घटना

सुदूरपश्चिम प्रदेशका दुई मन्त्री सवार जिप ठोक्किएर दुर्घटना

मंगलबार, साउन १३, २०८२ बागेश्वरी पोस्ट

धनगढी । कैलालीको चिसापानी नजिक लम्कीमा सुदूरपश्चिम सरकारका दुई मन्त्री सवार जिप एक-आपसमा ठोक्किएका छन् ।

सुदूरपश्चिम प्रदेश सरकारका भौतिक पूर्वाधार विकास मन्त्री सुरेन्द्र पाल र आन्तरिक मामिला तथा कानून मन्त्री हिरासिंह सार्की सवार जिप एक-आपसमा ठोक्किएर दुर्घटना भएको प्रहरीले जानकारी दिएको छ ।

चिसापानीमा आयोजित कार्यक्रममा भाग लिन जाँदै गर्दा आज दिउँसो से १ झ ३३० र बा २ झ १४१९ नम्बरका दुई मन्त्रीका जिप एक-आपसमा ठोक्किएका थिए ।

कैलाली प्रहरीका अनुसार दुर्घटनामा कुनै मानवीय क्षति नभए पनि ठक्करबाट मन्त्री हिरासिंह सवार बा २ झ १४१९ नम्बरको गाडीको पछाडिको भागमा क्षति पुगेको छ भने मन्त्री सुरेन्द्र पाल सवार से १ झ ३३० नम्बरको गाडीको अगाडिको भागमा क्षति पुगेको हो ।

प्रहरीले दुर्घटनाका कारणबारे अनुसन्धान गरिरहेको जानकारी दिएको छ ।

प्रकाशित मिति: मंगलबार, साउन १३, २०८२ १४:५४

प्रतिक्रिया दिनुहोस्