सेनाको हेलिकप्टरबाट औषधी छर्कने कुराको अडियो अफवाह मात्र: नेपाली सेना

समाचार

गृहपृष्ठ
समाचार
सेनाको हेलिकप्टरबाट औषधी छर्कने कुराको अडियो अफवाह मात्र: नेपाली सेना

सेनाको हेलिकप्टरबाट औषधी छर्कने कुराको अडियो अफवाह मात्र: नेपाली सेना

शनिबार, चैत ८, २०७६ बागेश्वरी पोस्ट

नेपालगन्ज ।कोरोना भाइरस समाजिक सञ्जालहरुमा थुप्रै अफवाहहरु फैलिएका छन् । यस्ता अफवाहहरू म्यासेन्जर, भाइबर र हृवाट्सएपका ग्रुपबाट भाइरल बनेका छन् ।

नेपाली सेनाको हेलिकप्टरबाट कोरोना विरुद्धको औषधी छर्कदै छ भन्ने अडियो प्रती नेपाली सेनाको ध्यानाकर्षण गराएको छ।

त्यस्तै नर्भिक हस्पिटलमा ६ जनालाई कोरोना देखियो । महामारी फैलिसकेको छ नेपालमा ।यो अफवाह गलत हो।

राति १२ बजे विशेष सैन्य हेलिकोप्टरले कोरोना भाइरसविरुद्ध औषधि छर्किँदैछ, बाहिर नबस्नुस् ।यो पनि अफवाह हो।

टेकु अस्पतालमा प्लास्टिकले बेरेका ५ वटा शव देखेँ । पशुपतिमा जलाइयो । यो पनि अफवाह हो।

यी माथि भनिएका कुनै पनि दाबी सत्य होइनन् । संक्रमण देखिएको भनेर अफवाह फैलाइएपछि शनिबार दिउँसो नर्भिक अस्पतालले विज्ञप्ति जारी गर्दै अहिलेसम्म कुनै पनि बिरामीमा संक्रमण नदेखिएको प्रष्ट पारेको छ । साथै, कोरोना संक्रमण भए नभएको जाँच गर्ने एउटा मात्र निकाय हो, राष्ट्रिय जनस्वास्थ्य प्रयोगशाला, टेकु ।

यो बाहेक अरु कुनै पनि ल्याब वा अस्पताललाई कोरोना संक्रमण भएरनभएको जाँच गर्ने अनुमति नै पाएका छैनन् । मध्यरातमा नेपाली सेनाको हेलिकप्टरले औषधि छर्किँदैछ भन्ने प्रचार पनि अफवाह नै हो । नेपाली सेनाका प्रवक्ता एवं सहायक रथी विज्ञानराज पाण्डेले यसको खण्डन गरेका छन् ।

सेनाले विज्ञप्ति जारी गर्दै झुटो प्रचारमा विश्वास नगर्न सबैलाई अनुरोध गरेको छ । साथै कोरोना भाइरसको अहिलेसम्म कुनै औषधि पत्ता लागेको पनि छैन । यस्तै टेकु अस्पतालमा कोरोनाका कारण मृत्यु भएको दाबी पनि अफवाह भएको नेपाल प्रहरीले जनाएको छ । प्रहरीका अनुसार यसरी अफवाह फैलाउने व्यक्ति हाल अमेरिकाको टेक्कसमा भएको पाइएको छ । र, उनको त्यो पोष्ट हटाउन सामाजिक सञ्जाल फेसबुकको मुख्यालयमा पत्राचारसमेत भइसकेको छ ।

प्रकाशित मिति: शनिबार, चैत ८, २०७६ २०:१२

प्रतिक्रिया दिनुहोस्