सरकारले चीनबाट मगायो कोरोना भाइरस जाँच सामाग्री

समाचार

गृहपृष्ठ
समाचार
सरकारले चीनबाट मगायो कोरोना भाइरस जाँच सामाग्री

सरकारले चीनबाट मगायो कोरोना भाइरस जाँच सामाग्री

सोमबार, चैत १०, २०७६ बागेश्वरी पोस्ट

काठमाडौं ।नेपाल सरकारले कोरोना भाइरस उपचारका लागि चीनबाट बिभिन्न खाले स्वास्थ्य सामाग्री र उपकरण मगाएको छ।

चीनबाट व्यक्तिगत सुरक्षाका सामाग्रीहरु १ लाख ६० हजार, जिनको माध्यमबाट कोरोना परीक्षण गर्ने सामाग्री ५ लाख वटा, भाइरसको नमुना संकलन गरेर पठाउने भाँडो १ लाख वटा मगाएको छ।

त्यस्तै मोनिटर सहितको भेन्टीलेटर १ सय वटा, ल्याब सहितको मोबाइल एम्बुलेन्स १० वटा, मोबाइल एम्बुलेन्स ५ वटा ,रगतमा अक्सिजनको मात्रा देखाउने मेसिन २० वटा, अक्सिजन प्लान्ट ५ वटा, इन्ट्युबेटिङ सेट २ हजार वटा, ३ सय केजीको निर्मलीकरण गर्ने मेसिन २० वटा, सिआरआरटी मेसिन २० वटा, थर्मोमिटर १० हजार, सर्जिकल पञ्जा २ लाख वटा मगाएको स्वास्थ्य मन्त्रालयले जानकारी दिएको छ।

यसैगरी सरकारले भारतबाट सरकारले १६ प्रकारका स्वास्थ्य सामाग्री तथा उपकरण मगाएको छ। विभिन्न खालका व्यक्तिगत सुरक्षा सामाग्रीहरु १ लाख ६० हजार वटा, एन ९५ मास्क १ लाख ५० हजार वटा, इन्फारेड थर्मोमिटर १० हजार वटा, अक्सिजन प्लान्ट ५ वटा मगाइएको छ।

३ सय केजीको निर्मलीकरण गर्ने मेसिन २० वटा, सिआरआरटी मेसिन २० वटा, थर्मोमिटर १० हजार र सर्जिकल मास्क २ लाख वटा मगाइएको स्वास्थ्य मन्त्रालयले जानकारी दिएको छ।

प्रकाशित मिति: सोमबार, चैत १०, २०७६ ०८:५६

प्रतिक्रिया दिनुहोस्