सिद्धार्थ विद्या सदनमा १०१ जना विद्यार्थीको भर्ना तथा रजिस्ट्रेसन

शिक्षा

गृहपृष्ठ
शिक्षा
सिद्धार्थ विद्या सदनमा १०१ जना विद्यार्थीको भर्ना तथा रजिस्ट्रेसन

सिद्धार्थ विद्या सदनमा १०१ जना विद्यार्थीको भर्ना तथा रजिस्ट्रेसन

शुक्रबार, माघ ९, २०८२ बागेश्वरी पोस्ट

नेपालगञ्ज । सिद्धार्थ विद्या सदन स्कुलले १०१ जना विद्यार्थीको भर्ना तथा रजिस्ट्रेसन गरेको छ । सरस्वती पूजाको दिन आज बालबालिकाहरुलाई अक्षरारम्भ गराइएको छ । विद्यालयका सहायक प्रिन्सिपल प्रविण गिरीका अनुसार आफ्ना सन्तानलाई विद्यालय पुर्‍याएर अक्षर चिनाउने कार्यमा अभिभावकहरुको उत्साहप्रद सहभागिता थियो । नेपालगञ्ज-६ फुल्टेक्रास्थित सिद्धार्थमा कक्षा नर्सरीदेखि १२ सम्म अध्यापन गराइन्छ ।

सरस्वतीलाई विद्या र बुद्धिकी अधिष्ठात्री देवी मानिने भएकाले आजको दिन विद्यालय नगएका साना बालबालिकालाई अक्षरारम्भ गराउने चलन रहँदै आएको छ । अक्षरारम्भ गरेमा बालबालिकामा ज्ञान र विवेकको विकास हुने जनविश्वास छ । आज माघ शुक्ल पञ्चमी अर्थात् श्रीपञ्चमी देशभर श्रद्धा र भक्तिपूर्वक मनाएको छ । हिन्दु धर्मावलम्बीहरूले विद्याकी देवी सरस्वतीको पूजा–आराधना गर्दै यस पर्वलाई विशेष उत्सवका रूपमा मनाएका छन् ।

सूर्य उत्तरायणतर्फ लाग्ने र वसन्त ऋतुको सुरुवात हुने विश्वासका कारण यस दिनलाई वसन्त पञ्चमी पनि भनिन्छ । विद्या, कला र सिर्जनाको प्रतिक मानिने सरस्वती देवीको पूजा विशेष गरी विद्यार्थी, शिक्षक, साहित्यकार, कलाकार तथा पत्रकारहरूले गर्ने परम्परा छ । आज कलम, कापी, पुस्तक, वाद्ययन्त्र लगायत शैक्षिक तथा सिर्जनात्मक सामग्रीलाई देवी सरस्वतीको प्रतिक मानी पूजा गरिएको छ ।

प्रकाशित मिति: शुक्रबार, माघ ९, २०८२ २१:०८

प्रतिक्रिया दिनुहोस्