ट्रकमा ठोक्किँदा मोटरसाइकलमा सवार एक जनाको मृत्यु, दुई घाइते

समाचार

गृहपृष्ठ
समाचार
ट्रकमा ठोक्किँदा मोटरसाइकलमा सवार एक जनाको मृत्यु, दुई घाइते

ट्रकमा ठोक्किँदा मोटरसाइकलमा सवार एक जनाको मृत्यु, दुई घाइते

बुधबार, चैत १२, २०७६ बागेश्वरी पोस्ट

भक्तपुर । भक्तपुर सुर्यविनायक नगरपालिका –८ जगाती नजिकै अरनिको राजमार्गमा तेल सकिएर रोकी राखेको ट्रकमा ठोक्किएर मोटरसाइकलमा सवार एक जनाको मृत्यु भएको छ ।

मंगलबार राजमार्गमा रोकी राखेको ना ६ ख ११०३ नम्बरको ट्रकलाई सूर्यविनायकबाट साँगा जाँदै गरेको बा ९० प ४०४० नम्बरको मोटरसाइकलले ठक्कर दिएको हो ।

मोटरसाइकलमा सवार तीनै जना घाइते भएको र उनीहरुलाई डा. ईवामुरा अस्पताल भक्तपुर लगिएको थियो । अस्पतालमा उपचारको क्रममा सिन्धुपाल्चोक घर भएका २८ वर्षीय उत्तर बहादुर तामाङको उपचारको क्रममा मृत्यु भएको महानगरीय परिसर भक्तपुरले जानकारी दिएको छ ।

दुर्घटनामा गम्भीर घाइते भएका सिन्धुपाल्चोक घर भएका २८ वर्षीय आकाश तामाङलाई थप उपचारका लागि केएमसी हस्पिटल सिनामंगल रिफर गरिएको प्रहरीले जनाएको छ ।

अर्का घाइते ११ वर्षीय कोलसङ डोल्मा तामाङ भने उपचारपछि डिस्चार्ज भएका छन् । रातोपाटीबाट साभार

प्रकाशित मिति: बुधबार, चैत १२, २०७६ ०९:४३

प्रतिक्रिया दिनुहोस्