नेपालमा रहेका विदेशी नागरिकलाई सरकारले फिर्ता पठाउने

समाचार

गृहपृष्ठ
समाचार
नेपालमा रहेका विदेशी नागरिकलाई सरकारले फिर्ता पठाउने

नेपालमा रहेका विदेशी नागरिकलाई सरकारले फिर्ता पठाउने

बुधबार, चैत १२, २०७६ बागेश्वरी पोस्ट

काठमाडाैं । सरकारले नेपालका विभिन्न स्थानमा रहेका विदेशी नागरिकलाई उनीहरूको मुलुक फिर्ता पठाउने भएको छ । बुधबार बसेको उच्चस्तरीय समन्वय समितिको बैठकले हेलिकप्टरमार्फत त्रिभुवन अन्तर्राष्ट्रिय विमानस्थल ल्याएर विदेशी नागरिकलाई फिता पठाउने निर्णय गरेको हो ।

यसरी हेलिकप्टरमार्फत विमानस्थल ल्याइएका विदेशी नागरिकको उडान समय नमिलेमा क्वारेन्टाइनमा राख्ने निर्णय पनि समितिले गरेको छ ।

‘गृह मन्त्रालय र संस्कृति, पर्यटन तथा नागरिक उड्डयन मन्त्रालयको स्वीकृतिमा नेपालका विभिन्न स्थानहरूमा रहेका विदेशी नागरिकहरूलाई हवाइ उद्धार गरी काठमाडौं ल्याई त्रिभुवन अन्तर्राष्ट्रिय विमानस्थलबाट आफ्नो देश फर्की जान सहजीकरण गर्ने । यसरी ल्याइएका विदेशीहरूलाई विमानस्थलबाटै आफ्नो देश फर्की जाने उडानको समय नमिलेको अवस्थामा सो अवधिभर विमानस्थल नजिकको होटेलमा निजहरूकै खर्चमा क्वारेन्टाइनमा राख्ने',समितिले गरेको १२ निर्णयमध्ये ९ नम्बर बुँदमा उल्लेख छ ।

प्रकाशित मिति: बुधबार, चैत १२, २०७६ १९:५२

प्रतिक्रिया दिनुहोस्