दुई दिनको खाली आकाशपछि बुद्ध एयर उड्यो

समाचार

गृहपृष्ठ
समाचार
दुई दिनको खाली आकाशपछि बुद्ध एयर उड्यो

दुई दिनको खाली आकाशपछि बुद्ध एयर उड्यो

बिहीबार, चैत १३, २०७६ बागेश्वरी पोस्ट

काठमाडौं । ७० वर्षे उड्डयन इतिहासमा २ दिनसम्म खाली रहेको नेपाली आकाशमा बिहीबार बुद्ध एयर उडान अनुमति पाएको छ । वुद्धएयरले विशेष कामको लागि उडान अनुमति पाएको जनाएको छ ।

नेपाल नागरिक उड्ययन प्राधिकरणका प्रवक्ता राजकुमार क्षेत्रीका अनुसार बुद्ध एयरले बिहीबार ११: ४५ को लागि पोखरा उडानको अनुमति पाएको हो ।

कोरोना रोकथाम तथा उच्चस्तरीय समन्वयन समितिको बुधबारको बैठकले गरेका निर्णय कार्यन्वयनार्थ बिहीबार बुद्ध एयरलाई उडान अनुमति दिइएको हो ।

उपप्रधान्त्री तथा रक्षामन्त्री ईश्वर पोखरेल संयोजक रहेको समितिले गृह र संस्कृति पर्यटन तथा नागरिक उड्डयन मन्त्रालयको स्वीकृतिमा नेपाल आएका विदेशी नागरिकलाई उद्धार गरि काठमाडौं ल्याइने निर्णय लिएको थियो ।

पोखरामा अलपत्र ४९ जना विदेशी पर्यटकलाई ल्याउनको लागि अनुमति दिइएको हो । अन्यत्र पनि यस्तो पाइएमा उडान अनुमति हुने प्राधिकरणले जनाएको छ ।

पोखरामा रहेका विदेशी नागरिक पोखरा विमानस्थल कार्यालयमा आएसँगै काठमाडौंबाट बुद्धएयर पठाइएको हो । उनीहरू आर्थिकरूपमा खर्च गर्न नसक्ने अवस्थामा हरे पनि सरकारले खर्च गर्ने जनाएको छ ।

उनीहरूलाई आफ्नो देश नै फिर्ता पठाइदिने निर्णय सरकारले लिए पनि उडान तालिका नमिलेसम्म उनीहरूलाई होटलमा राख्‍ने र हेरचाह गर्ने जिम्मेवारी सरकारले लिएको छ । विदेश उडानको लागि अहिले कसैले अनुमति नलिएको प्राधिकरणले जनाएको छ । शिलापत्रबाट

प्रकाशित मिति: बिहीबार, चैत १३, २०७६ १२:४०

प्रतिक्रिया दिनुहोस्