नेपालगञ्ज कान्जी हाउसका पशुलाई राप्तीसोनारीको गौ सेवा धाममा स्थानान्तरण

स्थानीय

गृहपृष्ठ
स्थानीय
नेपालगञ्ज कान्जी हाउसका पशुलाई राप्तीसोनारीको गौ सेवा धाममा स्थानान्तरण

नेपालगञ्ज कान्जी हाउसका पशुलाई राप्तीसोनारीको गौ सेवा धाममा स्थानान्तरण

बिहीबार, वैशाख १७, २०८३ बागेश्वरी पोस्ट

नेपालगञ्ज । नेपालगञ्ज कान्जी हाउसका पशुलाई गौ सेवाधाममा स्थानान्तरण गरिएको छ । नेपालगञ्ज उपमहानगरपालिका वडा नम्बर २१ विर्तामा अवस्थित कान्जी हाउसमा रहेका पशुचौपायाहरुलाई ट्रकमा राखी राप्तीसोनारी गाँउपालिका वडा नम्बर २ सम्शेरगञ्जस्थित १८५ हेक्टरमा फैलिएको मंगल राधिका सदानन्द गौ सेवाधाममा ब्यवस्थापन गरिएको छ । नगर क्षेत्रभित्र रहेका छाडा पशुचौपायाको व्यवस्थापनलाई निरन्तरता दिँदै कान्जीहाउसमा राखिएका पशुहरुलाई स्थानान्तरण गरिएको हो ।

नगर प्रहरी प्रमुख सूर्य बहादुर बोगटीका अनुसार सडकमा छाडा रुपमा विचरण गर्ने गाई, गोरु लगायतका पशुका कारण बढ्दो सवारी दुर्घटना र सार्वजनिक असुविधालाई मध्यनजर गर्दै यस्तो अभियान सञ्चालन गरिएको हो । संकलित पशुहरुलाई सुरक्षित स्थानमा व्यवस्थापन गरी दीर्घकालीन समाधानतर्फ पहल गरिएको जनाइएको छ ।

यसैबीच आज विहान थप ३० छाडा पशुलाई नियन्त्रणमा लिई कान्जीहाउस पुर्‍याइएको नगर प्रहरी निरीक्षक बोगटीले जानकारी दिए । नगर प्रहरीले गत शनिबारदेखि छाडा पशु नियन्त्रण अभियानलाई निरन्तर अघि बढाएको छ ।

प्रकाशित मिति: बिहीबार, वैशाख १७, २०८३ १०:४६

प्रतिक्रिया दिनुहोस्