८५ छाडा पशुचौपाया नेपालगञ्जबाट 'गौ सेवाधाम' मा स्थानान्तरण

स्थानीय

गृहपृष्ठ
स्थानीय
८५ छाडा पशुचौपाया नेपालगञ्जबाट 'गौ सेवाधाम' मा स्थानान्तरण

८५ छाडा पशुचौपाया नेपालगञ्जबाट 'गौ सेवाधाम' मा स्थानान्तरण

मंगलबार, वैशाख २२, २०८३ बागेश्वरी पोस्ट

नेपालगञ्ज । नेपालगञ्ज उपमहानगरपालिका वडा नम्बर २१ विर्तास्थित कान्जी हाउसमा राखिएका ८५ छाडा पशु चौपायालाई मंगलबार स्थानान्तरण गरिएको छ । उपमहानगरपालिकाले ती पशुहरूलाई ट्रकमार्फत राप्तीसोनारी गाउँपालिका वडा नम्बर २, समशेरगञ्जस्थित मँगल राधिका सदानन्द गौ सेवाधाममा लगेर व्यवस्थापन गरेको हो । यस अघि गत मंगलबार पनि १३६ छाडा पशुचौपायालाई कान्जी हाउसबाट गौ सेवाधामा लगेर ब्यस्थापन गरिएको थियो ।

सडकमा छाडा रूपमा विचरण गर्ने पशुचौपायाका कारण बढ्दो दुर्घटना जोखिम तथा सहरी अव्यवस्थापनलाई नियन्त्रण गर्न उपमहानगरपालिकाले पछिल्लो समय पशु संकलन गर्दै कान्जी हाउस लैजाने कार्य तीव्र बनाएको छ । संकलित पशुहरूलाई दीर्घकालीन संरक्षण र उचित स्याहारका लागि गौ सेवाधामसँग सहकार्य गरिएको नगर प्रहरी निरीक्षक सूर्य बहादुर बोगटीले बताए । गौ सेवाधाम १८५ हेक्टर क्षेत्रफलमा छ । नगर प्रहरीले हिजो-आज दिनहुँजसो छाडा पशु संकलन गरी कान्जी हाउस लैजाने गरेको छ ।

प्रकाशित मिति: मंगलबार, वैशाख २२, २०८३ २०:२३

प्रतिक्रिया दिनुहोस्