डाइनामिक कलेजका विद्यार्थीलाई मानव अधिकारबारे अभिमुखीकरण

स्थानीय

गृहपृष्ठ
स्थानीय
डाइनामिक कलेजका विद्यार्थीलाई मानव अधिकारबारे अभिमुखीकरण

डाइनामिक कलेजका विद्यार्थीलाई मानव अधिकारबारे अभिमुखीकरण

शनिबार, जेठ २, २०८३ बागेश्वरी पोस्ट

कोहलपुर । कोहलपुर नगरपालिका–११ स्थित डाइनामिक कलेजका विद्यार्थीहरुलाई मानव अधिकारसम्बन्धि अभिमुखीकरण कार्यक्रम सञ्चालन गरिएको छ । कोहलपुर नगरपालिका न्यायिक समितिको सहयोग तथा समाज सेवा संस्था नेपालको आयोजनामा भएको कार्यक्रममा मानवअधिकारकर्मी वसन्त गौतमले सहजीकरण गरेका थिए । उनले मानव अधिकारका विविध पक्षसँगै नागरिकको कर्तव्य र दायित्वबारे विद्यार्थीहरुलाई जानकारी गराएका थिए ।

कार्यक्रममा समाज सेवा संस्था नेपालका अध्यक्ष विनोद थापाले मानव बेचबिखन तथा ओसारपसारको वर्तमान अवस्था, यसको असर र रोकथामका उपायबारे जानकारी दिएका थिए । त्यसअघि आयोजित उद्घाटन कार्यक्रममा कोहलपुर नगरपालिकाका सामाजिक विकास समितिका संयोजक इश्वरी प्रसाद विक, कलेज प्रमुख अमरराज खत्री लगायत वक्ताहरुले मानव अधिकार संरक्षणका लागि सबै पक्षबीच सहकार्य आवश्यक रहेको बताएका थिए । उनीहरुले मानव अधिकार जन्मसिद्ध अधिकार भएकाले यसलाई कसैले पनि खोस्न नसक्ने उल्लेख गर्दै अधिकार संरक्षण र सचेतनाका कार्यक्रमलाई समुदायस्तरसम्म विस्तार गर्नुपर्नेमा जोड दिएका थिए ।

प्रकाशित मिति: शनिबार, जेठ २, २०८३ ०९:२६

प्रतिक्रिया दिनुहोस्