लकडाउन उल्लंघन गर्ने १३९ जना पक्राउ

समाचार

गृहपृष्ठ
समाचार
लकडाउन उल्लंघन गर्ने १३९ जना पक्राउ

लकडाउन उल्लंघन गर्ने १३९ जना पक्राउ

शनिबार, चैत १५, २०७६ बागेश्वरी पोस्ट

सांकेतिक तस्बिर

काठमाडौं । सरकारले गरेको लकडाउन उल्लंघन गर्ने १३९ जनालाई प्रहरीले पक्राउ गरेको छ।

कोरोना महामारी रोकथामका लागि सरकारले लागू गरेको लकडाउन उल्लंघन गर्नेविरुद्ध प्रहरी कडा रुपमा उत्रिन थालेको छ । लकडाउनको पाँचै दिनसम्ममा कोरोना संक्रमितको संख्या बढ्दै जाँदा सरकारी निर्णयको पूर्ण कार्यान्वयनका लागि प्रहरी आक्रामक रुपमा प्रस्तुत हुन थालेको हो ।

जसअनुसार शनिबार बिहान ८ बजेसम्मको अवधिमा मात्रै काठमाडौं प्रहरीले १ सय ३० जना पुरुष र ९ महिला गरी १ सय ३९ जनालाई पक्राउ गरेको छ । प्रहरीले अत्यावश्यक कामविना सडकमा ननिस्किन पनि सर्वसाधारणलाई आह्वान गरेको छ ।

नेपालमा ४ जनालाई कोरोना संक्रमण देखिएकोमा २ जना निको भएर घर फर्कीसकेका छन् ।

प्रकाशित मिति: शनिबार, चैत १५, २०७६ ०९:१७

प्रतिक्रिया दिनुहोस्