लक डाउन पुनः एक साता थपिदै

समाचार

गृहपृष्ठ
समाचार
लक डाउन पुनः एक साता थपिदै

लक डाउन पुनः एक साता थपिदै

शनिबार, चैत १५, २०७६ बागेश्वरी पोस्ट

काठमाडौं । सरकारले कोरोना भाइरस संक्रमण फैलन नदिन पुनः एकसाता लक डाउन थप गर्ने जनाएको छ ।

उपप्रधानमन्त्री तथा रक्षामन्त्री इश्वर पोखरेलको संयोजकत्वमा सातजना मन्त्रीसहितको उच्चस्तरीय समितिले लक डाउन थप गर्ने गृहकार्य गरिरहेको छ ।

लक डाउन वढ्नसक्ने भन्दै ७७ वटै जिल्लाका सुरक्षा निकाय र प्रशासनलाई आवश्यक तयारी गर्न सरकारले निर्देशन दिइसकेको छ ।

उपत्यकाबाट गाउँ फर्कन चाहनेका लागि एक दिन सवारी खोल्ने कि सरकारले नै त्यस्ता व्यक्तिलाई सम्बन्धित ठाउँमा पुर्याउने भन्ने बिषयमा समेत छलफल चलिरहेको एक मन्त्रीले जानकारी दिए ।

स्वास्थ्य मन्त्रालय र अस्पतालहरुले दिने सुझावका आधारमा थप रणनीति बनाउने तयारीमा रहेको सरकारले लक डाउनमात्रै नियन्त्रणको प्रभावकारी उपाय भएको ठहर समेत गरेको ती मन्त्रीको भनाइ छ ।
उनले सामाजिक दुरी कायम नगरेसम्म उपचार र अन्य सर्तकर्ताले मात्र काम नहुने भन्दै थप एक साता लक डाउन थप्ने तयारी भइरहेको बताए ।

सरकारले १८ चैतको बिहान ६ बजेसम्मका लागि लक डाउन घोषणा गरेको छ । ती मन्त्रीका अनुसार भोलि या पर्सी लक डाउन थप गर्ने औपचारिक निर्णय हुनेछ ।

लक डाउन अघि अत्यावस्यक खाद्य सामग्रीको ढुवानी र गन्तव्यमा पुग्न नसकी अड्किएका जनताको कसरी व्यवस्थापन गर्ने भन्ने बिषयमा यतिवेला छलफल चलिरहेको ती मन्त्रीको भनाइ छ ।

हवाई र स्थलमार्ग हुँदै नेपाल छिरेका मानिसको अन्तिम स्वास्थ्य जाँच रिपोर्ट नआएसम्म लकडाउन थप भइरहने उनको भनाइ छ । शिलापत्रबाट

प्रकाशित मिति: शनिबार, चैत १५, २०७६ १२:१९

प्रतिक्रिया दिनुहोस्